Гаага дахь Олон улсын эрүүгийн шүүхийн (ОУЭШ) ерөнхий прокурор Карим Хан Киевийн ойролцоох Буча хотод очсоныхоо дараа Украины бүх нутаг дэвсгэрийг гэмт хэргийн газар гэж үзэж болно гэж мэдэгджээ.
Тэрээр сэтгүүлчдэд хэлэхдээ "Манай шүүхийн харъяаллын хүрээнд гэмт хэрэг үйлдэж байна гэж үзэх хангалттай үндэслэл байгаа учраас бид энд ирлээ. Мөн үнэний ёроолд хүрэхийн тулд дайны мананг арилгах хэрэгтэй болно" гэж сэтгүүлчдэд хэмэдэгдэв. Үүний тулд хараат бус, шударга мөрдөн байцаалт явуулах шаардлагатай.
Карим Ханы хэлснээр ОУЭШ-ийн шүүх эмнэлгийн баг Буча хотод аль хэдийн ажиллаж эхэлсэн байна.
Оросын цэргийг Буча хотоос гаргасны дараа хотын гудамжнаас хэдэн арван энгийн иргэний цогцос олдсон. Украйны эрх баригчид тус хотод эзлэгдэж байх хугацаанд амь үрэгдсэн олон зуун хүнийг оршуулсан нийтийн булш байдаг гэж мэдэгджээ.
Мөн Оросын армийн эсрэг дайны гэмт хэрэг, тухайлбал хүн амины хэрэг, хүчингийн хэрэг, дээрэм тонуулын талаар нутгийн иргэдийн мэдүүлэг олон байдаг.
Гэсэн хэдий ч Орос улс Буча болон Украины бусад хотуудад болсон аллагын талаарх мэдээллийг "хуурамч" гэж нэрлэсээр байна.