Орос улс хот суурин газрын байлдааны ур чадвартай сиричүүдийг Украин руу явуулахаар элсүүлж байна гэж АНУ-ын албаны хүнээс иш татан Wall Street Journal мэдээлэв.
Арабын хэвлэл мэдээллийн хэрэгслүүдийн мэдээлснээр, Украины Ерөнхийлөгч Владимир Зеленскийн уриалгаар Сириийн олон дайчид Украинд ирж, Оросын эсрэг сайн дураараа тулалдаж байгаа гэжээ. Энэ мэдээллийг Францад төвтэй Сирийн ашгийн бус байгууллага мөн баталжээ.
"Оросууд Украин руу довтолж эхэлснээс хойш Сиричүүд Оросын ажиллагааг дэмжигчид, эсэргүүцэгчид, төвийг сахисан байр суурь баримтлагч гэж хуваагдсан" гэж мөн дээрх байгууллагынхан тодлотгожээ.
Украины мөргөлдөөн нь гадаадын дайчдын анхаарлыг татах шинэ төв болж магадгүй гэж зарим ажиглагчид мэдэгдэв.
Уолл Стрит Журналын шинжээчийн хэлснээр "Бусад орноос Украинд сайн дурынхан ирж байгаа нь тулалдааныг олон улсын шинж чанартай болгож байна. Ийм нөхцөл байдал нь Украин дахь дайныг бүс нутаг хоорондын, ялангуяа Ойрхи Дорнод дахь өргөн хүрээний динамиктай холбож өгч байна" гэж хэлсэн байна.
Эх сурвалж: ВВС