Blue Sky зочид буудалд
09:00 цагт Эрүүл мэндийн салбарын удирдах ажилтны зөвлөгөөн болно. Зөвлөгөөнд ЭМ-ийн салбартай холбоотой илтгэлүүд тавигдаж тус илтгэлүүдээс гарсан үр дүнг хэлэлцэнэ.
Монголын хүүхдийн ордонд
09:00 цагт "Тогтвортой хөгжлийг дэмжигч эко сургууль, цэцэрлэг" үндэсний чуулган болно.
Төрийн ордонд
11:00 цагт УИХ дахь Ардчилсан намын бүлгээс “Хөгжлийн банкны асуудлаар УИХ-ын Хянан шалгах түр хороо байгуулах шаардлага’’ нээлттэй хэлэлцүүлэг зохион байгуулна.
Хэвлэлийн хүрээлэнд
11:00 цагт Глобал удирдагч их сургууль, Эрх зүйн гүүр хуулийн фирмээс залилах гэмт хэрэг, койн залилах гэмт хэргийн шинж агуулж байгаа эсэх талаар мэтгэлцээн зохион байгуулна.
Монгол ньюс мэдээллийн төвд
11:00 цагт Монголын тариаланчдын үндэсний холбооноос "Газар тариалангийн асуудлууд, цаашид шийдвэрлэх арга зам" сэдвээр хэвлэлийн хурал хийнэ.
11:30 цагт Баянзүрх дүүргийн XVI дугаар хорооны байрны ард барьж буй барилгын гадна талбайд орон сууцыг худалдан авахаар захиалсан 368 өрхийн төлөөлөгч хэвлэлийн хурал хийнэ.
Корпорэйт зочид буудалд
12:00 цагт “17” продакшн “Voo”-тэй хамтран бүтээсэн “Хохирогч” олон ангит киноны хэвлэлийн бага хурал болно.