fbpx А.Амбасэлмаа: Омикроны тархалтын хурд маш эрчтэй байна. Монгол Улсад өдрөөс өдөрт бүртгэгдэх тохиолдлын тоо 2-3 дахин нэмэгдэж байна
 
Энэ мэдээ хуучирсан буюу 2022/01/21-нд нийтлэгдсэн мэдээ болно.
Ангилал
Нийгэм
Хэзээ
2022/01/21
Унших
2 минут 37 секунд

А.Амбасэлмаа: Омикроны тархалтын хурд маш эрчтэй байна. Монгол Улсад өдрөөс өдөрт бүртгэгдэх тохиолдлын тоо 2-3 дахин нэмэгдэж байна

Эрүүл мэндийн яамнаас коронавируст халдварын талаарх цаг үеийн мэдээллийг хүргэлээ.

Энэ үеэр Эрүүлийг хамгаалах гавьяат ажилтан А.Амбасэлмаа:
- Халдварын цар тахал удаан үргэлжилж, сүүлийн омикрон хувилбарын дэгдэлт эрчимтэй байгаа үед та бүхэндээ хэд хэдэн зөвлөгөө өгье. ДЭМБ-ын зургаан бүсийн 149 улс оронд өнөөдрийн байдлаар халдварын хамгийн өндөр эрчтэй давлагаа явж байна хэмээн тодорхойлсон. Хоёр удаа хийсэн үнэлгээгээр эрсдэл маш өндөр гэж гарсан. Омикроны тархалтын хурд маш эрчтэй байна. Монгол Улсад өдрөөс өдөрт бүртгэгдэх тохиолдлын тоо 2-3 дахин нэмэгдэж байна, эерэг сорьцын эзлэх хувь 24-27 хувиар өсөж байна. Тархалт ихсэхийн хэрээр эрүүл мэндийн байгууллагын ачаалал нэмэгдэнэ

Вакцин тариулсан гээд маргаашаас нь халдвар авахгүй гэж итгэн хайнга хандан халдвар авчхаад вакцинд буруу өгөөд байдаг. Энэ маш буруу

Өөр бусад улс болон дотоодын нөхцөл байдлаас харахад омикроны эмнэлзүйн хүндрэл нь бусад SARS, коронавирус хоёрын бусад хувилбаруудтай адилхан эмзэг бүлэг, архаг хүмүүс, ахмад, вакцинд хамрагдаагүй хүмүүс хүндрэх байдал ажиглагдаж байна. Дэлхий дахинаа нэгдсэн ойлголттой болсон цаг үед халдвар нэмэгдэх тусам бүх ард иргэд, эмч мэргэжилтнүүд бүгд хамтран хариу арга хэмжээ авч, тэмцэх нь үр дүнтэй. Халдварын нууц үе богино байгаа ба ингэх тусам нэг дор бөөгнөрсөн үед халдвар тархах эрсдэл өндөр байна.

Халдварын тархалтад нөлөөлж байгаа бас нэгэн зүйл нь хөнгөн балархай шинж тэмдэгтэй хүмүүс 30-аас дээш хувийг эзэлдэг ба тэд шинж тэмдэггүй халдвар тараагч болдог учраас хавьтал болсон бол өөрийгөө тусгаарлах хэрэгтэй. Халдварын нууц үедээ байгаа үед халдварлуулах чадамж өндөр байдаг.

Мөн вакцинд хамрагдаад л болчихдог юм биш. Таны халдвар хамгааллын дэглэм ч нөлөөлнө. Вакцин тариулсан гээд маргаашаас нь халдвар авахгүй гэж итгэн хайнга хандан халдвар авчхаад вакцинд буруу өгөөд байдаг. Энэ маш буруу. Вакцин дор хаяж 7-14 хоногийн дараа үйлчилнэ.

Энэтхэгийн улаан буудайн хориг үнэ буурахад нөлөөлөх үү?
Ц.Мөнхбаатар: Ачаа тээврийн үнэ 2.5-3.5 сая төгрөг буюу хуучин үнэ рүүгээ илүү ойртож байгаа
Энэ мэдээ хуучирсан буюу 2022/01/21-нд нийтлэгдсэн мэдээ болно.
  1. Зочин

    fl

  2. Зочин

    tiim shu huuhduudee sungaj ogoorei gertee ersdelgui sh de

  3. Зочин

    ерөнхий боловсролын сурагчдыг 14 хоногоор нь сунгаж өгөөч ээ гадуур омикрон, корона, томуугийн халдвар өвчлөл маш их байна аа өрхийн эмнэлгүүдийн болон бусад эмнэлгүүд дээр ч оочер ор дэрний оочер их байна лээ хүүхдүүдээ сунгасан нь дээр ээ

Шинэ мэдээ