fbpx Бээжин хотод омикрон хувилбар бүртгэгдэж, хатуу арга хэмжээ авч эхэллээ
 
Энэ мэдээ хуучирсан буюу 2022/01/17-нд нийтлэгдсэн мэдээ болно.
Ангилал
Дэлхий дахинд
Хэзээ
2022/01/17
Унших
2 минут 45 секунд

Бээжин хотод омикрон хувилбар бүртгэгдэж, хатуу арга хэмжээ авч эхэллээ

БНХАУ-ын Үндэсний эрүүл мэндийн хороо бямба гаригт тус улсын нийслэл Бээжин хотод “SARS-CoV-2” вирусийн Омикрон хувилбарын анхны тохиолдол бүртгэгдсэн талаар мэдээлсэн.

Тодруулбал өмнө нь коронавирусийн халдвар авсан хүнтэй ойрын хавьтал болоогүй, сүүлийн 14 хоног нийслэлээс гараагүй, Бээжин хотын Хайдан дүүрэгт оршин суудаг нэг иргэнээс Омикрон хувилбар илэрчээ. Мөн Бээжин хоттой хил залгаа Тяньжин хотод Омикрон хувилбарын халдвар авсан 97 тохиолдол бүртгэгдээд байгаа юм.

Улмаар гурван долоо хоногийн дараа өвлийн олимп зохион байгуулахаар бэлтгэж буй Бээжин хотод “COVID-19”-ийн халдварын тархалтаас урьдчилан сэргийлэх арга хэмжээг эрчимжүүллээ. Бээжин хотод сүүлийн 48 цагийн хугацаанд Омикрон хувилбарын халдвар авсан иргэний ойрын болон хоёрдугаар хавьтал, тэдгээрийн зорчсон газраар үйлчлүүлсэн 13 мянга гаруй хүнийг шинжилгээнд хамруулсан байна.

Бээжин хотын Эрүүл мэндийн байгууллага цаашид нийслэлийн хэмжээнд масс шинжилгээ явуулж, халдварын дэгдэлт гарсан бүсүүдэд хэсэгчлэн хөл хорио тогтоох зэрэг хатуу арга хэмжээ авахыг анхааруулжээ. Бээжин хотын захиргаа халдвар илэрсэн дүүргүүдэд сурагчдын хичээлийг бүрэн онлайн горимд шилжүүлж, лхагва гаригаас Цагаан хэрэм зэрэг аялал жуулчлалын газрыг олимпын наадам дуусах хүртэл хаах шийдвэр гаргасан байна.

"Бээжин-2022" өвлийн олимпын наадмын нээлт хоёрдугаар сарын 4-ний өдөр зохион байгуулагдана. Хятадын нийслэлд өнгөрсөн амралтын өдрүүдэд олимпын наадамд оролцох 200 гаруй төлөөлөгчид хүрэлцэн ирсэн бөгөөд зочдын цуваа баасан гариг гэхэд оргил түвшинд хүрнэ гэж тооцож байгаа аж.

Тиймээс Бээжин хотын захиргаа ням гаригаас эхлэн гадаад улсаас ирэх бүх иргэдийг нислэг эхлэхээс өмнө 48 цагийн дотор “PCR” шинжилгээ хийлгэж, газардсанаасаа хойш 72 цагийн дотор давтан шинжилгээнд зайлшгүй хамрагдах зөвлөмж гаргасан байна.

“Бээжин-2022” өвлийн олимпын наадмыг зохион байгуулах комиссын зүгээс Омикрон хувилбарын ганцхан тохиолдол олимпын наадамд саад учруулахгүй гэх байр суурийг илэрхийлсэн байна. Гэсэн ч “Токио-2020” зуны олимпын дараа Япон улсад халдварын тархалт огцом нэмэгдсэн явдлыг харгалзан халдвар хамгаалал, зохион байгуулалтыг сайжруулах шаардлагатай байгааг онцолсон юм.

Эх сурвалж: Global Times, Insidethegames

Энэтхэгийн улаан буудайн хориг үнэ буурахад нөлөөлөх үү?
Дэлхийн томоохон компаниудын удирдлагууд энэ онд эдийн засаг сайжирна гэж үзэж байна
Энэ мэдээ хуучирсан буюу 2022/01/17-нд нийтлэгдсэн мэдээ болно.
  1. suvd

    medeej Beejin Mongol shig bishee..... gadaadas irj bui khumuuses Shinjilgee avakhgygeer ger luu n ybuuldag oron gevel, Yg oddgiin baidlaar Mongol l bains zasgiin gazar Eruul Mendiin yam meddeg uu ????? khariulakh khun baina uu oron Mongol l baikh daa

Шинэ мэдээ