fbpx Утаагаар улс төр хийхгүй ээ, угаартаж үхнэ
 
Ангилал
Улс төр
Хэзээ
2022/01/14
Унших
2 минут 58 секунд

Утаагаар улс төр хийхгүй ээ, угаартаж үхнэ

“Чи улстөрийг сонирхохгүй ч улс төр чамаар оролдоно” гэж үг бий. Яг түүнтэй адил хүн бүр утааны асуудлыг дулааны улиралд мартаж, хүйтэнд санаж, мэдэрч, тэр хэрээрээ бухимдсаар ирсэн. Товчхондоо та гэр хороололд байдаггүй, гал түлдэггүй гэж “том” дуугарч, цэрвэж амьдарсан ч өвлийн улиралд гадаад руу нисчихдэггүй л юм бол УТААНААС холдож чадахгүй.

Тэгсэн хэрнээ асуудлыг шийдвэрлэхийн тулд дэлгэцийн араас харааж, халаглахаас өөрийг хийхгүй суугаад л байх уу.

Энэ удаа утаанаас үүдэлтэй олон нийтийн бухимдлыг өөртөө авч, асуудлыг багцлан шийдвэрлэхийг хичээж яваа нь БОАЖ-ын сайд Н.Уртнасан байж таарав.

Тэр ч утгаараа БОАЖЯ утааны хоруу чанар хийгээд асуудлыг хэрхэн шийдвэрлэх вэ гэдгийг олны анхааралд оруулж чадлаа. Үнэндээ өмнө нь агаарын бохирдлын талаар хэн нэгэн дарга, цэрэг олон нийтэд ярилцлага өгөх нь бүү хэл мэдээлэл ч өгдөггүй байсан. Харин энэ удаагийн БОАЖЯ-ныхан утаа, агаарын бохирдлын талаар өнгөрсөн оны 12 дугаар сарын 1-нээс эхлэн, Даваа гараг бүр 10:00 цагаас тогтмол мэдээлэл өгч, агаарын чанарын тухай үнэнийг олон нийтэд хүргэж байгаа.

Энэ нь Н.Уртнасан сайд тэргүүтнүүд айж, ичиж зугтахгүй, харин ч утаа хаана ихээр нэмэгдэж, шалтгаан нь юу байна вэ гэдгийг тодруулахаар ажилласаар байгааг харуулж буй хэрэг.

Угаасаа утаагаар улстөржвөл арилахгүй гэдгийг өнгөрсөн жилүүдийн туршлагаас хэн хүнгүй мэддэг болсон. Олон нийтэд БОАЖЯ-ныхан л утааг бууруулж, агаарын бохирдлыг сайжруулна гэсэн ойлголт байдаг. Гэвч цаанаа бол Засгийн газар бүхэлдээ, бас бүх сайдын багцад агаарын бохирдлыг бууруулах төсөв гэж бий.

Хамтдаа бус дор бүрнээ ямар нэг ажил хийсэн ч хэрэгжилтийн шатанд үр дүн муутай байсныг өнөөдрийн их УТАА гэрчилнэ.

Тиймээс ч энэ удаагийн БОАЖ-ын сайд Н.Уртнасан харин ч нээлттэй байж, нийтээрээ хамтын хүчээр ажиллавал утааны асуудлыг цэгцлэх боломжтой гэж үзсэн. Харин “дэвсэж алах” гэсэн шиг түмэн олноороо боорлоод, улстөржүүлээд байвал иргэд утаатайгаа үлдэж, түүнийг хорлож, орлох хүн харин ард нь “алгаа ташин” суух байх.

Утаагаар улстөржиж болдоггүйн жишээг бултаараа хэдэн жил ч харав даа.

ЖАГСААЛТ: Эрээн хотоос татан авсан бараанд гялгар уут, эмнэлгийн хэрэгсэл, тахиа болон гахайн мах зэрэг байна
Ч.Пүрэвсүрэн: “Народу Казахстана” сан байгуулж хэт баячуудаас сар бүр мөнгө хуримтлуулахаа Токаев зарласан
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Зочин

    Дээрхийг бичсэн хүний санаа нь Уртнасан гэгчид тал засах гэсэн маягтай юм уу даа. Тэр авгай чинь хүмүүс яах гэж гал түлдгийг мэддэггүй бололтой. Гэр орноо дулаан байлгах гэж л түлш түлдэг. Түлш их бага түлэх нь түлшний чанар, гадаах хүйтэн хоёроос хамаардаг. Энэ авгай хүмүүс сайжруулсан түлш их авч их түлж байгаагаас утаа ихслээ гэж солиорч байна. Тэр "сайжруулсан" хаягдал нүүрс зуурсан эд чинь анхныхаасаа илчлэг нь хамаагүй муудчихсан нэг уут түлшээр нэг хонодог байсан бол одоо 2 - 3 уут түлшээр нэг хонож байна. Чанар муутай түлшийг энэ хүйтэнд их түлж байж л амьд үлдэнэ шүү дээ.

  2. Зочин

    Нийтлэлчийн нэр ус алга.Уртнасан өөрөө өөрийгөө бичжээ гэж ойлгов.Өмхий үнэртэй хүхэр, азот,тоосонцороор амьсгалж байж , бид дуугүй байх эрхгүй.Бид Хүрэлсүхийг утааг арилгав гэж магтсаар байгаад тэнгэрт гаргачихсан.Одоо Уртнасанг бас тэгэх юм байна л даа.Утаа чинь өмхий үнэртэж байна ,уушиг цээж хорсгож байна.Ханиад томуу хүндэрэх шалтгаан болов эцэст нь хэлэхэд энэ ядуурлын үндэс нь юм даа

Шинэ мэдээ