Хэдэн өдөр үргэлжилсэн томоохон эсэргүүцлийн дараа Засгийн газар нөхцөл байдалд хариу булт хийсэн. Тэд шатахууны үнийг бууруулна гэдгээ амлаж, Ерөнхийлөгч засгийн газрыг огцруулсан боловч үүний дараа жагсагчид тарсангүй, харин ч эсрэгээрээ шинэ эрч хүчээр үйл ажиллагаагаа үргэлжлүүлэв.
Казахстаны засгийн газар, албан тушаалтнууд огцрох нь элбэг байдаг. Гэхдээ ихэнхдээ ингэлээ мэдэгдэхүйц өөрчлөлтөд хүргэдэггүй. Тиймээс жагсагчид энэ удаад эрх баригчдыг амлалтаа биелүүлнэ гэдэгт итгэхгүй байна. “Өнгөрсөн 30 жилийн хугацаанд эрх баригчид юу хийсэн бэ?” гэсэн асуулт байнга сонсогддог.
Улс төрийн ноцтой өөрчлөлт л улс орны амьдралд бодит өөрчлөлт гарах баталгаа болно гэж зарим жагсагчид үзэж байна. Тухайлбал, Жанаозены идэвхтнүүд эрх баригчдад таван шаардлага тавьжээ.
1. Дэглэмийг өөрчлөх
2. Бүс бүрийн тэргүүнийг шууд сонгох (одоо эдгээр албан тушаалтнуудыг Ерөнхийлөгч томилдог);
3. 1993 оны Үндсэн хуулийг эргүүлэн хэрэглэх (Энэ хуулинд ерөнхийлөгчийн эрх мэдлийг хязгаарласан);
4. Иргэний идэвхтнүүдийг дарамталж мөшгөхгүй байх;
5. Одоогийн эрх баригч элитүүдтэй холбоогүй хүмүүсийг засгийн эрхэнд гаргах
Үүний зэрэгцээ Казахстанд жагсаалын удирдагчид одоогоор алга байна. Эрх баригчид олон арван жилийн турш улс төрийн жинхэнэ өрсөлдөөнийг бий болгож чадах хүмүүсийг дарангуйлж, хавчиж байсан гэж шинжээчид үзэж байна.
toim.mn