fbpx АНУ-д “эсрэг биетийн коктейль” хэрэглэхийг зөвшөөрчээ
 
Энэ мэдээ хуучирсан буюу 2021/12/09-нд нийтлэгдсэн мэдээ болно.
Ангилал
Дэлхий дахинд
Хэзээ
2021/12/09
Унших
1 минут 42 секунд

АНУ-д “эсрэг биетийн коктейль” хэрэглэхийг зөвшөөрчээ

ВАШИНГТОН. /TASS/. АНУ-ын Хүнс, эмийн чанарын хяналтын газар /FDA/ Их Британи-Шведийн “AstraZeneca” компанийн “эсрэг биетийн коктель”-ийг “COVID-19”-өөс урьдчилан сэргийлэх зориулалтаар хэрэглэхийг зөвшөөрчээ.

“FDA өнөөдөр “AstraZeneca” компанийн “Evusheld” (AZD7442 гэж мөн нэрлэдэг) эмийг яаралтай нөхцөлд дор хаяж 40 кг жинтэй зарим насанд хүрэгчид болон 12-оос дээш насны хүүхдүүдэд “COVID-19”-өөс урьдчилан сэргийлэх зорилгоор хэрэглэх зөвшөөрлийг түргэвчилсэн журмаар өглөө. Энэхүү эмийг зөвхөн одоогоор “SARS-CoV-2”-ийн халдвар аваагүй, халдвар авсан хүмүүстэй сүүлийн үед ойр харилцаагүй хүмүүст л хэрэглэхийг зөвшөөрнө" гэж тус байгууллага цахим хуудсандаа мэдээлсэн байна.

Уг эмийг зөвхөн дархлаа султай эсвэл АНУ-д хэрэглэж байгаа коронавирусний вакцинуудын эсрэг заалттай хүмүүст л хэрэглэх юм. ““Evusheld”-ийн эмчилгээ нь “COVID-19”-ийн вакцинд хамрагдахыг зөвлөсөн хүмүүст вакцинжуулалтыг орлохгүй" гэж FDA цохон тэмдэглэжээ.

“Evusheld”-ийг тиксагевимаб, цилгавимаб гэсэн хоёр моноклонал эсрэг биетийн холимгоор хийжээ. "Эсрэг биетийн коктейль" нь “SARS-CoV-2” коронавирусний халдвар авсны дараа өвчин хүндрэхээс "урьдчилан сэргийлэх зорилгодоо хүрсэн гэж “AstraZeneca” компани 10 дугаар сарын 11-нд мэдээлсэн байна. “AZD7442” эмийн туршилтад голчлон “COVID-19”-ийн хүнд хэлбэрээр өвчлөх өндөр эрсдэлтэй өвчтөнүүд, тэр дундаа хавсарсан өвчтэй хүмүүсийг оролцуулжээ.

Д.Жаргал

Эх сурвалж: "Монцамэ" агентлаг

ОХУ Украинд эхний дайралтаа хийлээ
Оросын хоёр дахь баян хүн салсан эхнэртээ $7 тэрбумыг алдаж магадгүй болжээ
Энэ мэдээ хуучирсан буюу 2021/12/09-нд нийтлэгдсэн мэдээ болно.

Шинэ мэдээ