Монголын ”Зөн билгийн тулаан”-ы ялагч зайран Б.Эрдэнэсан ОХУ-ын ТНТ телевизийн “Зөн билгийн тулаан” нэвтрүүлгийн 22 дахь шинэ улиралд хүч үзэж шилдэг 5-д шалгарсан билээ. Хэдхэн сарын өмнө бяцхан дүүгээ алдаж өөрийгөө буруутгаж байсан тэрээр чадваргүй байж бусдын зовлонг нимгэлнэ гээд яваа юм болов уу? гэсэн эргэлзээгээ тайлах зорилгоор тус нэвтрүүлгийг зорьжээ. Тэрээр сорил даалгавруудыг амжилттай давж хүний нутагт 3 сар гарны хугацаанд амьдарч 5000 гаруй хүнээс шилдгүүдийн тоонд багтаж эх орондоо ирээд байгаа юм. Өөр улсын хүн гэдэг утгаар нь нэвтрүүлгийн багийнхан өөрийнх нь оролцсон хэсгийн яриаг хасаж гадуурхаж байсныг ч нуусангүй. Мөн дахин тус нэвтрүүлэгт орж хүчээ сорихоо мэдэгдлээ.