УИХ-ын цөөхөн эмэгтэй гишүүдийн нэг П.Анужин Эх хүүхдийн эрүүл мэндийн төв буюу Эх нялхсын төв дээр ажилласан болон дараах ажлуудыг гүйцэтгэсэн тухайгаа цахим хуудаснаа ийнхүү бичжээ.

“Эрүүл мэндийн салбарын цахим шилжилттэй холбогдон ЭХЭМТ-д нэн шаардлагатай 50 компьютерийг хүлээлгэн өглөө.

Мөн ажил үүргээ гүйцэтгэж байгаад ажлын байран дээрээ алтан амиа алдсан эмчийн гэр бүлд гүн эмгэнэл илэрхийлж, ар гэрт нь хувиасаа 500.000 төгрөг хандивлалаа.

Хамт зургаа авахуулсан сувилагч бүсгүй энэ төвд 30 гаруй жил тогтвортой ажиллаж буй юм байна. Бахархалтай. Эмч сувилагч, эмнэлэгийн ажилтнууд маань цаг наргүй, үзүүр төгсгөлгүй ачаалалд сульдаж цуцсан байдалтай байвч зүтгэнэ ээ гэсээр үлдлээ. Та нараараа үнэхээр бахархаж бас хайрлан хүндэтгэж байна. Цаашид хэрэгжүүлэх ажлууд дээр бодлогын болон хөрөнгө оруулалтын түвшинд дэмжиж ажиллана.” хэмээжээ.