“Суварган цэнхэр уулс”, “Гэрлэж амжаагүй явна”, “Жинжиймаа” зэрэг дэлгэцийн урлагийн олон жилийн түүхийг бичилцэж яваа жүжигчин бол яах аргагүй Монгол Улсын Гавьяат жүжигчин Н.Батцэцэг юм. Тэгвэл урлагийн гэр бүлд төрсөн М.Ивээл, М.Бишрэл нар хоёул АНУ-д амьдардаг бөгөөд Том хүү М.Бишрэлийн хувьд АНУ-ын Чикагогийн их сургуулийг төгссөн бол бага хүү М.Ивээл Колумбийн их сургуулийн кино найруулагчийн анги төгсчээ.
Ээжтэйгээ “Зүүдэнд ирсэн хонгорхон ижий”, “Вансэмбэрүү”, “Цагаан сүүний домог” зэрэг кинонуудад бага насандаа тоглож байсан М.Ивээл танигдахын аргагүй болтлоо стилиэ өөрчилсөн нь охид бүсгүйчүүдийн сонирхлыг ихэд татах болжээ. Саяхнаас тэрээр залуусыг байлдан дагуулж байсан “Хүлээлгийн өрөө” подкестийг хөтлөгч бүсгүйчүүдтэй хамтран OZIA нэртэй подкест хийн юүтүб сувгаар үзэгч, сонсогчидтой уулздаг болсон гэнэ.