“Авьяаслаг Монголчууд-2” шоуны ялагч, өвөрмөц хоолойтой О.Энх-Эрдэнэ шуугиан тарьж гарч ирсэн ч Монголдоо нам жим байсан юм. Харин тэрээр олон улсад танигдах зорилго тээн дэлхийн өнцөг булан бүрийн авьяастнууд оролцон, хүч сорьдог CBS телевизийн "The World's Best" шоунд оролцож Country төрлийн "Amarillo by Morning" хэмээх дууг дуулсан нь олон улсын шүүгч болон үзэгчдийн анхаарлыг ихэд татан, "Элвис Преслигийн хоолойтой монгол залуу" хэмээн олонд танигдаад байсан билээ.
Гадаад продюсертай гэрээ хийж дуучны карьераа тасралтгүй үргэлжлүүлж байсан Энх-Эрдэнэ гэнэтхэн кино ертөнцөд хөл тавьж буйгаа зарлалаа. Тэрээр сүүлийн үед олны анхаарлыг татаж хүлээлт үүсгээд буй “Тал нутгийн зомби” УСК-нд тоглож байгаа гэнэ.