fbpx Х.Баттулга МоАХ-г өгөхгүй гэжээ
 
Энэ мэдээ хуучирсан буюу 2021/10/15-нд нийтлэгдсэн мэдээ болно.
Ангилал
Улс төр Манай 76
Хэзээ
2021/10/15
Унших
3 минут 21 секунд

Х.Баттулга МоАХ-г өгөхгүй гэжээ

Өчигдөр АН-тай холбоотой сонирхолтой үйл явдал болов. Тодруулбал УИХ дахь АН-ын бүлгийн дарга Д.Ганбат УИХ-ын гишүүн Ц.Тувааныг АН-ын гишүүнээс 4 жилийн хугацаатай хасаж, УИХ-ын гишүүн С.Ганбаатар, Н.Алтанхуяг нарыг УИХ дахь АН-ын бүлгээс хасаж буй тухайгаа зарласан .

Харин АН-аас хасагдсан гэх УИХ-ын гишүүн Ц.Туваан: "Бүлгийн зохион байгуулалтын асуудлыг Ж.Ганнибал гишүүний саналаар өнгөрсөн бүлгийн хурал дээр ярьсан.

Тэгээд УИХ дахь нөхөн сонгуулийн нэмэлт санал хураалтыг дуустал хугацааг нь долоо хоног хойшлуулсан. Энэ шийдвэртэй холбоотой байлгүй л гэж бодож байгаа." гэсэн тайлбар хийсэн юм.

Тэгвэл энэ бүхний цаана юу болж байна вэ?

Д.Ганбатын хувьд "Женко" Х.Баттулгаас нүүр буруулаад удаж буй агаад тэрээр УИХ-ын дарга Г.Занданшатар, АН-ын дарга С.Эрдэнэ нартай илүү ойр хамтран ажиллах болсон гэнэ.

Иймээс ч Х.Баттулга нэгэнт зам салсан түүнийг УИХ дахь АН-ын бүлгийн даргаас огцруулж, өөрийн итгэлт хүн УИХ-ын гишүүн Ц.Тувааныг оронд нь тавихаар зэхэж байсан тул ийнхүү Д.Ганбат өрсөн хөдөлжээ. Мэдээж АН-ыг Х.Баттулгын талынханд алдаж болохгүй гэж үздэг С.Эрдэнэ тэргүүтнүүд өөрийн талын АН-ын Үндсэн Дүрмийн Хороо гэгчээрээ шийдвэр гаргуулан, түүнийг дэмжсэн.

Хамгийн гол нь үүний цаана АН-ыг өөрийн мэдэлд авах гэж буй Х.Баттулга ба түүнийг, тойрон хүрээлэгчдийнх нь хамт АН-аас нэгмөсөн шахах зорилготой С.Эрдэнэ тэргүүтний тэмцэл өрнөж буй нь тодорхой юм.

Одоогийн байдлаар Х.Баттулга энэ тулаанд ялагдаж, УИХ дахь АН-ын бүлэгт гэхэд л Ц.Туваан, Н.Алтанхуяг, С.Ганбаатар гэсэн цөөхөн хүнийг эс тооцвол дийлэнхи нь хэдийн нүүр буруулжээ.

Мөн АН-ын даргаар өөрийн хүнийг томилуулах түүний санаархал ч хууль, эрх зүйн хувьд боломж тун тааруу болоод байна.

Үүнийг ч анзаарсан Х.Баттулга хэдийн Б хувилбараа боловсруулж эхэлжээ. Энэ нь шинэ нам байгуулах.

Тодруулбал тэрээр Монголын Ардчилсан Холбоо буюу МоАХ-ы Ерөнхийлөгчийн ажлаа өгөхгүй, харин ч удахгүй гишүүдтэйгээ биечлэн уулзаж, холбооны ажлаа эрчимжүүлнэ гэдгээ зарласан гэх. АН-аас дутахгүй гишүүнчлэл, зохион байгуулалттай энэ бүтцийг тэрээр шинээр байгуулах намынхаа суурь болгоно гэж тооцоолж байгаа аж. Мөн эх сурвалжуудын өгүүлж буйгаар тэрээр Монголын Ногоон Нам, Иргэний Зориг-Ногоон Нам зэрэг Улсын Дээд Шүүхэд дээгүүрт бичигддэг улс төрийн намын удирдлагуудтай албан бус уулзалт хийж, хамтран ажиллах тухай тандсан байна.

Юутай ч Х.Баттулга чадвал АН-ын удирдлагыг өөрийн багтаа авах, ядвал МоАХ-ы бүтцэнд суурилсан шинэ Ардчилсан Нам байгуулах зорилготой байгаа нь тодорхой болжээ.

Э.Мягмар

Маргааш зах, худалдааны төвүүд АМАРНА, архи согтууруулах ундаа зарахгүй
Л.Халтар сайд 2.3 тэрбумаар замын эвдрэлийг судлуулан, пост бариулжээ
Энэ мэдээ хуучирсан буюу 2021/10/15-нд нийтлэгдсэн мэдээ болно.
  1. УХААНТАЙХАН ШИЙД ГАРГАНАА ТАР НАР ДЭМЖЭЭРЭЭ

    АН ГИШҮҮНГҮЙ ДЭМЖДЭГ НАМ БУСЧУУДГҮЙ Л ҮЛДЭЖ БАЙНА ДАА ХЭРЭВ МоАХ НАМ БАЙГУУЛБАЛ БИ БОЛ АН ГИШҮҮНЭЭСЭЭ ТАТГАЛЗАЖ ШУУД ГИШҮҮНЭЭР ЭЛСЭНЭ. АН ЫГ ЭРДЭНЭ САНААТАЙГААР УСТГАЖ БАЙНА.

  2. ZOCHIN

    MONGOLIIN ARDCHILAGCHDIIN HOLBOONII NAM. BATTULGIIG DEMJIJ BNA.

  3. Ganaa

    Tiimee shyydaind hiisen yamaaniewer shig nuhdvvdiin tur barina gej yu baihàw

  4. Зочин

    Энэ хэцүү цагт энэ нөхөд төр барьж бгаагүй нь яамайдаа хэрэв эдгээр нөхөд төрийн толгойд бсан бол өдийд юу болж бх ыг ёстой бурхан л мэдэх бхдаа

  5. Зочин

    Энэ хэцүү цагт энэ нөхөд төр барьж бгаагүй нь яамайдаа хэрэв эдгээр нөхөд төрийн толгойд бсан бол өдийд юу болж бх ыг ёстой бурхан л мэдэх бхдаа

  6. Би

    Ан намынхан ямар зодолдож хэрэлдэж дуусдаггүй нөхөд вэ зөвхөн өөрийгээ хар амиа боддог болохоор нийтий эрх ашиг намын алсын хараат бодлого гээч юм даший шог оо

Шинэ мэдээ