“Оддын академи” шоунаас төрөн гарсан охидын “The Wasabies” хамтлаг 2017 оноос хойш тасралтгүй уран бүтээлээ туурвисаар байгаа билээ. Хамтлагийн хоёр гишүүн хувийн шалтгаанаас болж хамтлагаасаа гарч шинэ гишүүдийн бүрэлдэхүүнтэй болсон ч тэд сайхан мэдээ дуулгасаар байна.
Ази, номхон далайн бүсийн дауны холбооны жилийн тайлангийн хурал онлайнаар болж, Австрали, Шинэ Зеландаас авахуулаад Япон, Сингапур, Арабын нэгдсэн Эмират зэрэг 20 гаруй улсын төлөөлөл оролцжээ.
The Wasabies хамтлаг энэ олон улсын холбооны сүлд дууг бүтээн уран бүтээл хийх санал гаргасныг танилцуулахад ихэд дэмжигдэн удирдах зөвлөлийн хурлаараа хэлэлцэхээр болсон байна. Дэмжигдээд батлагдчихвал зөвхөн хамтлагийн нэр төдийгүй Монгол Улсын хувьд маш том алхам болох нь гарцаагүй.