fbpx УИХ гэмтнийг хамгаалдаг байгууллага биш, Үүл баатраа
 
Энэ мэдээ хуучирсан буюу 2021/09/28-нд нийтлэгдсэн мэдээ болно.
Ангилал
Улс төр Манай 76
Хэзээ
2021/09/28
Унших
4 минут 30 секунд

УИХ гэмтнийг хамгаалдаг байгууллага биш, Үүл баатраа

Улсын баатар Э.Бат-Үүлд УИХ-ын гишүүний бүрэн эрхийн цаана нуугдах асар том шалтгаан байгаа учраас дахин дахин сонгуульд бүдрээд байгаа хэрэг. Улсын баатар маань улс төрд 30 гаруй жил эрх мэдэл бүхий албанд морилж ирсэн. Нэг намыг бүү хэл нэг улсыг өөд нь татчих урт хугацааг тэнд өнгөрүүлсэн. Гэтэл Үүл баатар улс төр, төрийн эрх мэдэл бүхий харъяанд 30 гаруй жил ажиллахдаа хөшөө буулгах, энд тэнд нэр хаяг өөрчлөх, тансаг гудамж талбайн зураг үзүүлж, цэцэг тарьж худлаа ярихаас хэтрээгүй гэдгийг бүгдээрээ мэднэ. Өдгөө нэр дэвшиж байгаа Сонгинохайрханд ч байшин барилга буулгаж, олон айлыг орон гэргүй болгосон хүн. Тэгэхээр тэр парламентын нөмөр, УИХ-ын гишүүний бүрэн эрх хэмээх хамгаалалтад орох гэж яагаад үхэн хатан зүтгээд байгаа талаар таамаг дэвшүүлье.

Хамгийн сүүлд нийслэлийг удирдаж байхдаа мандуулсан хэргийн цуурай өдгөө ч намдаагүй, шүүн хянах шатандаа явж байна. Өөрөөр хэлбэл, эцсийн шатны шүүхээс ямар шийдвэр гарна, тийшээ явах болчихсон хүн. Энэ тухай товчхон сануулахад ТОСК-ийн даргатай хуйвалдан хүү Б.Чулуудайгийнхаа компани зарсан мөнгийг “Бэрэн” компаниас гаргуулж авахын тулд “Буянт-Ухаа-2” хорооллын санхүүжилтээс 2015 оны наймдугаар сард таван тэрбум, есдүгээр сард дөрвөн тэрбумыг “Бэрэн групп” рүү ямар нэг хүү, барьцаагүйгээр шилжүүлүүлсэн гэх хэрэгт шалгагдаад удлаа. Ингэхээр улсад есөн тэрбум төгрөгийн хохирол учруулсан байж болзошгүй гэх хэрэгт шалгагдаж байгаа учраас “хамгаалалт” хайсан байж болно.

Олны таамаглаж байгаа нөгөө нэг том асуудал гэвэл “С.Зоригийн хэрэг” юм. Өдгөөгөөс 23 жилийн өмнө энэ хэрэг анх гарахад л Э.Бат-Үүлийн нэр, малгай хоёр дурдагдаж байсан бол сүүлийн үед бүр ч ноцтой баримтууд хөндөгдөх болжээ. Үүнийг бид хэлээд байгаа хэрэг биш. Ц.Нямдорж нарын учир мэдэх хүмүүс барин тавин хэлж байна. Ц.Нямдорж бол УИХ-д долоон удаа сонгогдож, Хууль зүй, дотоод хэргийн сайдаар таван удаа томилогдож, УИХ-ын даргаар ажилласан хүн учраас сэтгүүлч бид чиг баримжаагаа болгон дурдахаас өөр аргагүй. Тэгэхээр Ц.Нямдорж гэж хүний “Хонгил үүссэн түүх ба яргын хэрэг” гэх нийтлэл, эх сурвалжийг уншихад нэгийг бодогдуулж хоёрыг хэлнэ. Энд хэдэнтээ нэр дурдагдсан Үүл баатар битгий хэл уншсан хүний жихүүц төрмөөр юм билээ.

Ганц нэг өгүүлбэр сийрүүлбэл, “Энэ хэрэгт Б.Содномдаржаа, Т.Чимгээ нарыг буруутгасны дараа Ерөнхийлөгчөөр ажиллаж байсан Ц.Элбэгдорж “Энэ хэрэг ингэж шийдвэрлэгдсэнд Э.Бат-Үүл баярлах ёстой” хэмээн мэдэгдэл хийж, Э.Бат-Үүл нь өөрийнхөө яллагдагчаар татагдаж байсан энэ хэрэг ийнхүү шийдвэрлэгдсэнд бүрэн итгэж байгаагаа зарлаж, Эбидээ их баярласан гэдгээ хэлсэн” гэсэн нь бий. Бодох л зүйл. Ц.Нямдоржийн өгүүлж байгаагаар хонгил хэрхэн үүссэн, Ц.Элбэгдоржийн үед энэхүү хэрэгт өдгөө буруугүй гэж үзээд шалгаж байгаа хүмүүс яллагдсан, Ц.Элбэгдорж Ерөнхийлөгч болсон даруйд Э.Бат-Үүлдээ Улсын баатар цол өгсөн, эрхэм хоёрын бусдаас нууж эс чадах харилцаа гээд олон зүйлийг өгүүлж, олон зүйлийг бодогдуулах нь дамжиггүй. Энэ бол Ц.Нямдоржийн эх сурвалжийг уншаад төрсөн сэтгэгдэл юм.

Ингэхээр Үүл баатар Монгол Улсын Хууль тогтоох байгууллагыг гэмт хэргээс хамгаалдаг газар хэмээн ойлгоод байх шиг. Яах аргагүй түүнд хамгаалалт хэрэгтэй болсон учраас Хэнтийд ч очиж унаад, хотод ч үхэн хатан зүтгээд байгаа хэрэг байх.

эх сурвалж: Tumen.mn

Энэтхэгийн улаан буудайн хориг үнэ буурахад нөлөөлөх үү?
ХХААХҮ-ИЙН САЙД З.МЭНДСАЙХАН АРХАНГАЙ АЙМАГТ АЖИЛЛАЛАА
Энэ мэдээ хуучирсан буюу 2021/09/28-нд нийтлэгдсэн мэдээ болно.
  1. Би

    Юун улсынбаатар онигоо ичдэггүй ширэн нүүртүүд яасан юу хийсэн улсын баатар вээ элбэгдорж яах гэж юуг нь үнэлж улсын баатар цолны нэр хүндийг гутааж энэ нөхөрт өгсийм э дураараа дургина бусдыг дорд үзэж та муусайнууд намайг яаж ч чадахгүй гэж нэгийгээ ингэж шагнадаг бнаа энэ 2 өгсөн авсан 2 хоёулаа таар шуудайнууд

  2. ENE LALARIIG BITGII ULSIIN BAATAR GEJ DUUD BAATARIIN UNDUR DEED NER HUND ZOHIH N BAITUGAA KM HOL BAIH YOSTOI HULGAICH GEMT HEREGTEN

  3. зочин

    баатар байх гавъяагүй гэдгээ мэдээд хийж буй цөхөрсөн арга Одоо бас УИХ-д санаархана Үнэндээ сонгогчдыг басамжлаж байгаа хэрэг

  4. зочин

    Улсын баатар гэдэг цол тэмдэгийг тусгаар тогтносон бүрэн эрхт МОНГОЛ улсын ЕРӨНХИЙЛӨГЧ зарлиг гарган олгодог эрхэм дээд шагнал. Түүнээс биш зүүж явсан тэмдгээ зүгээр нэг байгууллагын дарцаганд реклам хийж зүүдэг эд биш. Тийм л юм бол өмнө нь авахаас татгалзах эсвэл эртхэн нэртэй төртэй буцааж төрд нь өгөхгүй яасан юм бэ. Шал дургуй хүрчлээ.

  5. Гончиг

    МАН-бүр шоронгоос Ж.Эрдэнэбат, тэргүүтэи улсаа авч нуугаа биздээ !... ккк

  6. Advzii

    ene salag dald oroosoi..Shal hudalaa ..novshiin hyn dyrst shulam..

Шинэ мэдээ