Хошин урлагийн анхдагчдын нэг жүжигчин С.Өлзийхүүг монголын ард түмэн ихэд хүндэлдэг. 1992 онд СУИС-ийн кино драмын факультетыг драмын жүжигчний мэргэжлээр төгссөн улаан дипломтой жүжигчин бүсгүй Үндэсний Жүжгийн Академик театрт жүжигчнээр хуваарилагдаж, урлагийн алтан тайзнаа хөл тавьж байжээ.
Тэрбээр 1967 оны арванхоёрдугаар сарын 18- нд Улаанбаатар хотод нисгэгч Санжаасүрэнгийн ганц охин болон мэндэлжээ. Багадаа эцэг, эхээсээ өнчирч үлдэн, нагац эмээ дээрээ өссөн байна.
Залуулаг, загварлаг С.Өлзийхүү үсээ будаж улам донжтой гэрэлтэж явна. Тэрээр охин Х.Баярмаагийн хамтаар Борголжин брэндийн нүүр царай болжээ.
