fbpx Америкийн эрдэмтэд бодлыг текст болгон хөрвүүлдэг интерфейс бүтээжээ
 
Энэ мэдээ хуучирсан буюу 2021/05/13-нд нийтлэгдсэн мэдээ болно.
Ангилал
Дэлхий дахинд
Хэзээ
2021/05/13
Унших
1 минут 19 секунд

Америкийн эрдэмтэд бодлыг текст болгон хөрвүүлдэг интерфейс бүтээжээ

ЛОС-АНЖЕЛЕС. /RT/. Америкийн эрдэмтэд бодол санааг минутад 90 тэмдэгтийн хурдтайгаар текст болгон хөрвүүлдэг “тархи-компьютер”-ийн тусгай интерфейс бүтээж, саажилттай хүний тархинд амжилттай холбосон тухай Стэнфордын их сургуулийн хэвлэлийн алба мэдээлжээ. Эрдэмтдийн бүтээлийн талаарх нийтлэл “Nature” сэтгүүлд нийтлэгдсэн байна.

Стэнфордын их сургуулийн судлаач Френсис Уиллеттийн ярьснаар, уг интерфейс нь өвчтөний ой тойндоо бодсон үсгийг уншиж чаддаг тул бодлыг хөрвүүлэн бичихэд бараг алдаа гардаггүй ажээ.  Эрдэмтэд нуруу нугасны гэмтлийн улмаас бие нь бүрэн саажсан 63 настай өвчтөнд интерфейсээ амжилттай туршсан байна. Уг эрэгтэй хэцүү үгсийг бичиж сурч, шинэ системийг маш хурдан эзэмшжээ.

Эрдэмтдийн мэдээлснээр, нейрочипийг өвчтөний тархины бор гадаргын текст бичих үед гарын хөдөлгөөнийг хариуцдаг хэсэгт суулгах бөгөөд үүний дараа тухайн хүн цаасан дээр бичих зүйлээ төсөөлөн бодох ёстой байна. Уиллетт ба түүний багийнхны боловсруулсан алгоритмууд нь сэтгэцийн дохионуудыг ялгаж, бодлыг текст болгон хөрвүүлдэг аж.

 

Д.Жаргал

Эх сурвалж: Монцамэ агентлаг

Энэтхэгийн улаан буудайн хориг үнэ буурахад нөлөөлөх үү?
Хар тамхины хэргээр нэг жилийн хорих ял сонссон реппер Roockie суллагджээ
Энэ мэдээ хуучирсан буюу 2021/05/13-нд нийтлэгдсэн мэдээ болно.

Шинэ мэдээ