fbpx

Ц.Элбэгдорж М.Энхсайханыг ял сонссонд бухимджээ


Ерөнхий сайд асан М.Энхсайханд холбогдох хэргийн шүүх хурал гурван өдөр үргэлжилж шийдвэрээ гаргаад байгаа. Шүүхээс М.Энхсайханыг Эрчим хүчний яаманд 55 сая төгрөгийн хохирол учруулсан, Тавантолгой мега төслийг боловсруулахдаа албан тушаалын байдлаа ашиглаж бусдад эдийн засгийн давуу байдал бий болгосон, эх орноосоо урвасан  гэж буруутган  нийтийн албанд томилогдох эрхийг 4 жилийн хугацаагаар хасаж, 4 жил 6 сарын хорих ял оноосон.  Харин 19.6 дугаар зүйлд  заасан хорлон сүйтгэх  үйл ажиллагаа явуулсан гэх зүйлчлэлийг тусгаарлаж нэмэлт мөрдөн байцаалтад буцаах саналтай  прокурорт шилжүүлсэн. 

 

Энэ шийдвэрийн дараа Ерөнхийлөгч асан Ц.Элбэгдорж өөрийн твиттер хуудаснаа “Ерөнхий сайд асан М.Энхсайхан өнөөдөр Монгол Улсын хөгжил, эрх чөлөө, тусгаар тогтнолыг баталгаажуулах, гэгээрсэн бодлого хэрэгжүүлсний төлөө шүүгдэж байна. Түүх түүний жинхэнэ шүүгч байх болно, улс төрөөр яллах дүгнэлт биш. Монголын төлөө ад үзэгдэх эр зориг бол Монголын аврал юм. Шүүгдэх эрсдэлийг хүртэл сөрж Монголын хөгжил дэвшил, бие даасан байдлыг бэхжүүлэхийн төлөө зүтгэх нь гавьяат үйлс. Улсын бодлогыг алдаа гэж үзвэл түүнийг шүүх шүүдэггүй, түүх шүүдэг юм” гэжээ. 

 

Ц.Элбэгдоржийн тухайд Монгол Улсын Ерөнхийлөгчөөр  ажиллах хугацаандаа Тавантолгой төслийг удирдаж байсан М.Энхсайханд дэмжлэг үзүүлсэн, түүний  дэмжлэгээр төслийг хэрэгжүүлэгчийг сонгон шалгаруулсан гэж  буруутгаж байгаа. Энэ асуудлыг тусгаарлан үргэлжлүүлэн шалгах шаардлагатай гэж шүүх бүрэлдэхүүн үзжээ. 


Энэ мэдээ таалагдаж байвал:


  • зочин · [202.9.46.136] · 2020/05/11

    АДГИЙН ХУЛГАЙЧ, ДЭЛХИЙ ЯАЖ ДААЖ БАЙНА ДАА ГЭМЭЭР НҮГЭЛТЭН, АМЬТНЫ ХАРААЛ ИДСЭН ЭЛБЭГДОРЖ ГЭГЧ ЭНЭ БАЛИАР ЗАВЬЖ ЮУ ГЭЖ ХУЦААД БНА ДАА. ЧИ БУХИМДАХ ЮМ БАЙХГҮЙ НҮГЛЭЭ ҮҮРЭЭД ЮУ ЮУГҮЙ БАРИГДАЖ ШАЛГАГДАЖ, УРД ӨМНӨ НЭГ Ч ХҮНИЙ АВЧ БАЙГААГҮЙ ОЛОН ЖИЛИЙН ЯЛ АВНА. ХИЙСЭН НҮГЭЛТ МУУ ХЭРЭГ ЧИНЬ ДААЖ ДАВШГҮЙ. ЧИ ЮУ ГЭЖ ХУЦДАГ БИЛЭЭ, НАДАД САЙХАН ХҮҮХЭН ХЭРЭГТЭЙ САЙН ХҮН ХЭРЭГГҮЙ ГЭЖ СОЛИОРДОГ БАЙЛУУ, ТӨРИЙН АЖЛЫГ ТЭГЖ БАЛЛАСАН БУЗАР ДАА.


  • zochin · [66.181.186.108] · 2020/05/11

    Daraagiinx elbegdorj doo