Сахил авсан биш бүр дордов гэгчээр малчдын орлогыг хямралын үед нулимав


Ноолууран эдлэлийн үйлдвэрлэл, экспортыг нэмэгдүүлэх зорилгоор Засгийн газраас авч хэрэгжүүлж буй арга хэмжээний талаар УИХ-ын Ш.Раднаасэдийн тавьсан асуулгын хариуг баасан гарагт УИХ-ын чуулганаар сонслоо. ХХААХҮ-ийн сайд Ч.Улаан “Энэ жил Монгол Улс 10 мянган тонн ноолуур бэлтгэнэ. Үүнээс 30 хувийг нь дотоодын нөөц бололцоондоо бэлтгэж байгаа бол үлдсэн 70 хувийг гаднын хөрөнгө оруулагчдын дэмжлэгээр боловсруулахаар тооцож байна. Үнэ ханшийн асуудлыг төрийн бодлогоор зохицуулж, аймаг бүрээр өмнөх жилүүдийн дундаж түвшинг харьцуулан, доод түвшинг тогтоосон. Зүүн аймгуудаас ноолуур бэлтгэж эхэлсэн. Өмнөд хөршийн ноолуур бэлтгэж байгаа үнэ манайхаас 20-30 хувиар үнэтэй байгаа тул гаднын хөрөнгө оруулагчид орж ирэхэд таатай нөхцөл бүрдүүлнэ гэж үзэж байгаа” гэв. Харин гишүүд ид ноолуур бэлтгэлийн цагаар уг бүтээгдэхүүний дотоодын ханш унаснаас үүдэн малчид орлогогүй, мөнгөгүй болох нөхцөлд орсныг салбарын сайдад нь сануулж, ихээхэн шүүмжлэв. 

Ё.Баатарбилэг: 300 тэрбум төгрөгөөр ноолуур бэлтгэхдээ аймгуудад хувь тэнцүүлж, жигдэлж болоогүй юм уу. Зүүн аймагт 100 мянган төгрөгөөр 10 гаруй ААН-тэй хамтран ноолуур бэлтгэсэн гэж байна. 

Д.Тогтохсүрэн: Дэлхийн зах зээлд ноолуурын үнэ унасан. Үйлдвэрүүд хаагдаж байна. БНХАУ-ын зах зээл ямар байгаа билээ. Гэтэл ийм нөхцөлд ноолуурын ханшийг хэт өндөр тавьсан байна. Улс даяар дунджаар кг-ийг нь 100 мянган төгрөгөөр авна гэсэн. Гэтэл Өвөрхангай аймагт 85 мянгаар босго тогтоосон ч 52 мянган төгрөг л байна. 

Д.Хаянхярваа: Бид юмыг шударга ярих хэрэгтэй. Дэлхий дахинд ноос, ноолуурын үнийг өсгөх биш хүнсний хэрэглээгээ яая гэж байхад худлаа мэдээлэл өгөхөө боль. Малчдын гол орлого олдог ноолуураар улс төр хийж болохгүй. Зах зээлийн зарчмаараа явах ёстой. 

Ж.Мөнхбат: Ноолуурын үнийг 100 мянган төгрөгөөс буулгахгүй байж чадах юм уу. Үүн дээр баталгаа гаргаж өгөөч. Архангайн ноолуур 100 мянган төгрөг хүрэх юм уу, хүрэхгүй бол та хариуцлага хүлээх юм уу. Хэзээ хүртэл ноолуураа дарах юм бэ. 

Ш.Раднаасэд: Бодлогын гэрээ хийсэн хэдэн компани байгаа вэ. Нэмж хэдэн компани хийх юм. Гэрээ хийсэн ч зээлээ авч чадаагүй компаниуд байна. Засгийн газрын шийдвэр бодитоор хэрэгжихгүй замхраад байна. 

Харин ХХААХҮ-ийн сайд Ч.Улаан 300 тэрбум төгрөгөөр бэлтгэх ноолуурыг аймаг бүр дээр хувь тэнцүүлж, хэрэгжүүлэх боломжгүй гэв. Мөн дэлхийн зах зээлийг урьдчилан тооцоод, зээл авч ноолуур авч буй компаниуд эрсдэлээ өөрсдөө хүлээж байна гэсэн юм.

Засгын газрын мэдээ сонин 


Энэ мэдээ таалагдаж байвал:


  • 0123456789 · [202.55.191.130] · 2020/05/17

    УЛААН ҮНЭХЭЭР ЗӨНӨГ НЬ ЗАЛГАЧИХСАН БАЙНА. НООЛУУРЫН ҮНИЙГ ХӨНДЛӨНГӨӨС ОРЖ ЗАРЛАХГҮЙ ОРХИХ БАЙСЫМ. ЗАХ ЗЭЭЛИЙН ЖАМААР БОЛОХ Л БАЙСНЫГ ЭНЭ АМЬТАН ЖОНХУУРУУЛЛАА


  • зочин · [43.228.129.20] · 2020/05/09

    Монгол улс жилдээ10000т ноолуур гаргадаг үүний 3000т -г нь дотооддоо боловсруулдаг өнгөрсөн жил нэг кг ноолуурын үнэ 100000 -- 140000 төг байсан гээд бодохоор малчидын гар дээр 12 их наяд төгрөг очсон гээд бодохоор,монголын хамгийн баян хүмүүс бол яах аргагүй малчид болж таараад байна Тиймч учраас малчдын хүүхдүүд дотуур байранд ордоггүй, бүгд хотын төвд орон сууцтай, гадаадад хувийн зардлаар сурч байгаа хүүхдүүдийн 80 90% нь малчдын хүүхдүүд,УБ хотын ,болон улсын, төрийн, том том компануудын цалин сайтай бүх албан тушаалуудыг бүгдийг нь эзэлчихсэн, хотын биднийг , муусайн гуйлагчингууд гээд доромжлоод сууж байна,Соц нийгмийн үед 23н сая малын ашиг шим орос монголын нийлсэн 4н сая хүнийг хангалттай тэжээдэг байсан, Гэтэл одоо зөвхөн ноолүүраасаа л гэхэд ганцхан жилд 12 их наяд төгрөгийг зөвхөн малчид олж байна. Тэгсэн мөртлөө үргэлж л мөнгөгүй гэж бараг бүх юмыг үнэгүй хэрэглээд сурчихсан ичдэггүй муухай царайнаасаа салдаггүй ,энэ их мөнгө олж байж юм үзсэн хүмүүс шиг амьдрахад яадаг байнаа. Тэгээд бас болоогүй байгалийн баялагыг үнэгүй хэрэглэнэ тарвага үнэг гөрөөс буга баавгай алт эрдэнэс бүгд шахуу эдгээр хүмүүсийн гараар ямарч хяналтгүй шахуу орж алга болж устаж байна, Яасан их ТӨРИЙН ХАЙР ХАЛАМЖЫГ ХҮРТДЭГ хүмүүс бэ? Баяжсан бол баян хүн шиг амьдраач юм үзээгүй зангаа татвал таарна, энэ хотод чинь өлөн зэлмэн ядуу дорой хүмүүс захаас аваад замаар дүүрэн байна бид адилхан монголчууд,,, халамжийг шаардлагатай хүмүүсд нь зориулмаар байна


  • ЗОЧИН · [124.158.95.14] · 2020/04/27

    МАН ОДОО ЭНЭ ЗӨНӨГ НЬ ЗАЛГАСАН ХӨГШИН ТӨГЦӨГНҮҮДЭЭСЭЭ САЛААЧЭЭ, САЛГАЛААД АЖЛАА ХИЙЖ ЧАДАХГҮЙ ХЭРНЭЭ АХ ДҮҮ НАРАА ТЭТГЭЖ, ХУЖАА РУУ МАЛ МАХНЫ НАЙМАА ХИЙСЭН ЗӨНӨГ ӨВГӨН, ОДОО ТЭР НӨӨЦИЙН МАХЫГ БЭЛТГЭСЭН БАЙДЛЫГ ХАР, ДАНДАА ХУЖАА КОМПАНИАР БЭЛТГҮҮЛСЭН БАЙГАА ЮМ ДАА ХАР ЗӨНӨГ ЧИНЬ, ИЙМ ХУЛГАЙЧИЙГ ШОРОНД ХИЙЖ, ШОНД ДҮҮЖИЛ, УЛАЙДАГГҮЙ БАЛИАР УЛААН ӨВГӨН. ХУРДАН ҮХЭЖ ДАЛД ОРООСОЙ


  • а · [103.9.90.130] · 2020/04/27

    Эд нар ингэж попроогүй бол үйлдвэрлэгч нар 60-70 мянгад бэлтгээд дуусчих байлаа, одоо 25-30 мянга, хэн хариуцлага хүлээх вэ,