ТАНИЛЦ: Туркийн Ерөнхий прокуророос ГХЯ-нд ирсэн захидал ба Д.Цогтбаатар сайдын нууц


ОЛНЫГ ЦОЧИРДУУЛСАН 70 КГ ХАР ТАМХИНЫ ХЭРЭГ

Монгол Улсын тэр дундаа дипломат албаны төлөөлөгчид олон улс дамжсан хар тамхины хэрэгт холбогдсон явдал бол өнгөрсөн жилийн тавдугаар сар.

Монголын дипломат албаныхан янжуур тамхи хууль бусаар зөөдөг явдал бараг жирийн үзэгдэл шахуу болсон үед 70 кг герионыг Туркт суудаг димпломатууд Чехээс Герман руу зөөж яваад баригдсан нь олон хүнийг цочирдуулж, төрийн ордноо зарим хурлыг хаалттай горимд хийх хүртэл өндрийг авахуулсан билээ.

Тэгвэл хар тамхи зөөж байгаад саатуулагдсан Истанбул дахь Ерөнхий консулын дэд консул Б.Баттүшиг, ажилтан С.Эрдэнэбаяр нарын хэрэг юу болж байна вэ?

ТУРКЭЭС ИРСЭН ЗАХИДАЛ

Турк улсын Ерөнхий прокурор манай Гадаад харилцааны сайд Д.Цогтбаатарт нэгэн захидлыг илгээжээ.

Захидалд Истанбул дахь Ерөнхий консул Б.Энхмөнх, ажилтан Б.Алтансүх нараас байцаалт авахыг хүссэн байна.

Тодруулбал, Туркийн Прокурорын газар Ерөнхий консул Б.Энхмөнх, ажилтан Б.Алтансүх нарт Эрүүгийн 2019/94915 тоот хэрэг нээж, тэднийг Туркийн хар тамхи, мансууруулах бодис наймаалдаг гэмт хэргийн бүлэглэлд гишүүнээр элсэж, мансууруулах болон сэтгэцэд нөлөөлөх бодис тээвэрлэж, худалдсан хэрэгт буруутгаж байгаагаа Гадаад харилцааны сайд Д.Цогтбаатарт илгээсэн бичигтээ тов тодорхой дурджээ. Туркийн Эрүүгийн хуулийн дагуу тэдэнд 188.3 ба 220.2 зүйлээр ял төлөвлөсөн тухайгаа ч захидалдаа дурдсан байна. 

Монгол Улсаас Туркийн Истанбул хотод суугаа Ерөнхий консулын газрынхан одоо бүхэлдээ Туркийн хуулийн байгууллагын хяналтанд байгаа юм байна. Учир нь 2018 онд Туркийн хуулийн байгууллагынхан хар тамхи дамлан наймаалдаг томоохон бүлэглэлийг илрүүлэн, мөрдөн шалгаж эхэлжээ.

Хар тамхины энэ бүлэглэлийн баривчлагдсан гишүүн О.Kucukvadar, А.Ozsan, D.Teke  нарын гар утсыг шалгах явцад Монголын дипломатчидтай тогтоосон харилцаа ил болж эхэлсэн байна.

Манай Ерөнхий консулын газрынхныг элсүүлсэн хар тамхины наймааны энэ бүлгийг BALINA буюу Халим загас хочтой нэгэн удирдаж, олон улс дамнасан хар тамхины наймаа эрхэлдэг гэдгийг ч Монгол руу илгээсэн бичигтээ Туркийн Прокурорын газар тодорхой өгүүлжээ.

Энэ бүлгийн мансууруулах бодисын тээвэрлэлтийг Туркийн Гаалийн байцаагч Levent Sever гэгч этгээд хариуцаж байгаад баригдсан байна. Баривчлагдсан гишүүд хар тамхины гадаад руу гаргах тээвэрлэлтийг Турк дэх Монгол Улсын Ерөнхий консулын газрын дипломат дугаартай автомашиныг ашиглан хийдэг байсан талаараа мэдүүлж эхэлснээр Турк дотооддоо хил дамнасан хар тамхины наймааны бүлэглэлийн нууц ажиллагааны гүн рүү орсон байна.

Улмаар 2019 оны тавдугаар сард Истанбулын дэд консул Б.Баттүшиг,  жолооч С.Эрдэнэбаяр нар 70 кг мансууруулах бодис Чехээс тээвэрлэж яваад Германд баригдсан.

Тэгвэл үүнээс өмнө буюу 2019 оных нь нэгдүгээр сард Б.Энхмөнх, Б.Алтансүх нар Истанбул дахь Монгол Улсын ЕКГ-т бүртгэлтэй автомашинаар хар тамхины тээвэрлэлт хийгээд явж байсан нь тодорхой болсон байна.

Германд хоригдоод байгаа Б.Баттүшиг нь Истанбулд дэд консулаар 2018 оны наймдугаар сард, жолооч С.Эрдэнэбаяр тус оны есдүгээр сард томилогдсон юм. Тэдний холбогдсон хэрэг 2019 оны тавдугаар сар гэдгийг дахин сануулъя. Харин энэ хэргээс өмнө 2019 оны нэгдүгээр сард Б.Энхмөнх, Б.Алтансүх нь хар тамхины сүлжээнд аль хэдийнээ нэгдэж, шинэхэн ажилчдыг өөрийн бүлэглэлдээ элсүүлж байгаа логик гарч ирж байна.

ХАР ТАМХИНЫ НАЙМААЧДЫН ҮҮР БОЛСОН ДИПЛОМАТ АЛБА

Нийтлэлийн эхэнд дурдаж байсанчлан Монголын дипломат алба өмнө нь янжуур зөөдөг байсан бол одоо бүр хүндэрч, хар тамхины олон улс дамнасан томоохон сүлжээнд орсон нь Туркийн Ерөнхий прокурорын захидлаас харагдана.

Ингэхдээ дипломат албанд шинээр томилогдож очиж байгаа ажилтнуудаа ашиглаж, гэмт хэргийн бүлэглэлдээ элсүүлсээр байна уу гэх хардлагыг төрүүлж байна.

Туркээс байцаалт авахыг хүссэн Истанбул дахь Ерөнхий консул Б.Энхмөнх нь 2016 онд томилогдсон бол Б.Алтансүх нь 2015 оноос Ерөнхий консулын газарт гэрээгээр ажиллаж байгаа нэгэн аж. Түүнийг ажилд авч байсан хүн нь Ерөнхий консул Э.Мөнх-Очир юм. Өөрөөр хэлбэл, Б.Энхмөнх, Б.Алтансүх нар нь аль хэдийнээ хар тамхичдын хууль бус сүлжээнд нэгдэн орж, шинээр ажилд орсон Б.Баттүшиг, С.Эрдэнэбаяр нарыг бүлэглэлдээ элсүүлсэн байх магадлалтай байна.

Монгол, Туркүүдийн холбогдсон энэхүү хар тамхины бүлэглэлийн тухай мэдээллүүд Туркийн хэвлэлүүдээр ч гарч байна. Тухайлбал, TimeTurk сайтад бичсэнээр “Гэмт хэргийн бүлгийнхэн хар тамхиа хил давуулан тээвэрлэхдээ Монгол Улсын Ерөнхий консулын газрын эзэмшлийн 34 СС3221 ба 34 СС 2542 дугаартай, автомашиныг ашигладаг байсан ба энэ автомашин хилийн чанадаас кокаин, шахмал экстазиг авчирч, буцаан хил давуулах ажлыг эрхэлдэг байсныг тогтоожээ. Мансууруулах бодисыг хил давууулах, тансаг шилтгээн, томоохон худалдааны төвүүдэд хүргэх ажлыг Монгол Улсын дипломат паспорттой Б.Энхмөнх, Б.Алтансүх болон Б.С.Б нар гүйцэтгэж байсан” талаар мэдээнд өгүүлсэн байна.

Олон улсад Монголын дипломат албаны тухай мэдээллүүд ийнхүү цацагдаж, Туркийн Ерөнхий Прокуророос хүртэл захидал ирүүлээд байхад Монгол Улсын Гадаад харилцааны яам энэ талаарх мэдээллийг хав дарсаар байгаа нь хачирхалтай.

Хачирхалтай ч юу байх вэ, УИХ-ын сонгууль хүртэл энэ талаарх мэдээллийг мартагнуулж байгаад асуудлыг шийдье гэсэн төлөвлөгөө байгаа юм биш биз?

Зарим УИХ-ын гишүүн дипломатчдын холбогдсон хэргүүдийн талаар төрийн ордонд сүр дуулиан бүхий мэдээлэл хийж байсан ч чухам яагаад таг чиг болов гэдэг бас сонирхолтой. Энэ бүхнээс харахад УИХ нь ч, Засгийн газар нь ч намын даалгавраар дипломат албаны завхралыг нуун дарагдуулахаар шийдсэн үү?


Энэ мэдээ таалагдаж байвал:


  • дандар · [192.82.78.207] · 2020/04/18

    Гадаада Монгол улсыг төлөөлж ажиллаж \ хувиараа суугаа биш\ байгаа төрийн хүн ямар ёс суртахуунтай байх ёстой юм бэ Та нарын ах дүү хамаатан садангууд чинь дандаа нүүүр нь шийр болсон хогийн шаарнууд болж өссөн хулгайч нар байдаг юм уу Дипломат цолтой муу хүмүүсээр Гад аад чам дүүрчээ Хурдан цэвэрлэх хэрэгтэй Арай дэндлээ


  • !!! · [49.0.137.164] · 2020/04/17

    Ulaan hamartaas ch zow shiidemgii shiidwer garna gedeg yu l bol doo ! Orwiichihood l zag nohzoomor aydaad l yawj b na lee


  • Саруул · [59.153.115.135] · 2020/04/17

    Сайд нь оффшорч ажилтан нь хар тамхины сүлжннчид болсон байнаа.Цогтбаартараас сайн зүйл гарахгүй.2020 оны сонгуулийн дараа нарсанд суулгавал таарсан амьтан.


  • А.Невский · [202.72.245.122] · 2020/04/16

    Тэдэнд ядуу, боловсролгүй, хамгаалах хөрөнгө чинээгүй хар масс л хэрэгтэй болохоос улс төрийн боловсролтой, сонгуулиар биеэ үнэлдэггүй иргэд хэрэггүй. Тиймдээ ч хотын сонгогчдоос үргэлж айж цэрвэж, саналын эрхийг нь хөдөөрүү шилжүүлэн хулгайлдаг


  • А.Невский · [202.72.245.122] · 2020/04/16

    МАН АН-аас хэзээ ч шударга ёс хүлээх хэрэггүй. Тэд бүгд толгойноосоо эхлээд өтчихсөн. Тэдэнд сонгуульд ялах, ард түмнийг хууран мэхлэх, төрд гарч идэж уухаас өөр Монголоо хөгжүүлэх, ард түмнээ баян чинээлэг болгох ямар ч сонирхол байхгүй. МАН-ын удирдлага үнэхээр аман дээрээ шударга, эх оронч зүйл яриад байгаа шигээ зарчимч байсан бол 60 тэрбум, ЖДҮ-чидээ аль эрт хариуцлага тооцчих байсан.


  • Зочин · [71.9.2.98] · 2020/04/16

    OFshorchin gadaad yamnii said geheer neg l bishee.


  • Зочин · [192.82.78.181] · 2020/04/15

    энэ хулгайчийг зайлуулаач


  • MOGEUH · [202.55.188.94] · 2020/04/15

    Mongolin anhni Ontsgoi Gamshgin Ersdel unlegchdin holboo ard irged ta buhen gaduur baga yavaj garaa saitar ugaaj gertee agaar solij maska zuuj hevshih MOGEUH


  • zochin · [66.181.161.108] · 2020/04/15

    Ta nar bolidoo ner turtei ajlaa uguuch ingej ajil xiideggyi ym dandaa doloogch nar