Ерөнхий сайд их дээд сургууль, МСҮТ, ЕБС, цэцэрлэгийг 9 дүгээр сарын 1 хүртэл хичээллүүлэхгүй байх бэлтгэлийг хангаж олон нийтэд зарлах чиглэл өгчээ


Улсын Онцгой комиссын тогтмол үйл ажиллагаа явуулж буй шуурхай штаб хуралдаж байна.

Засгийн газраас өгсөн үүрэг даалгаврын талаар ОБЕГ-ын дарга, УОК-ын НБД генерал Т. Бадрал ажлын хувиарлалтаа хийж байна.

Нөхцөл байдал амаргүй байгааг харгалзан иргэд маскаа тогтмол зүүж, бөөгнөрөл үүсгэхгүй байх, ариун цэврээ сахихыг дахин чухалчилж байна.

Мөн гадаадад буй хүндэтгэх шалтгаантай 6600 гаруй иргэдийн асуудлыг тухайн улсуудын ЭСЯ-уудаар нь дамжуулж халамжлах асуудлыг Ерөнхий сайд хэлсэн.

Түүнчлэн энэ иргэдээс тодорхой хэсгийг нь шат дараатай, эрсдлээ сайн тооцоолж чартераар авч ирэхийг тусгаарлах байр, ХӨСҮТ-ийн хүчин чадал дээр тулгуурлаж татахыг шуурхай штаб ЗГ-ын чиглэлийн дагуу ярилцаж байна.

Мөн ерөнхий боловсролын сургууль, цэцэрлэг, их дээд сургууль, МСҮТ-ийн үйл ажиллагаа 9-р сарын 1 хүртэл хичээллүүлэхгүй байх бэлтгэлийг хангаж олон нийтэд зарлахыг Ерөнхий сайдаас өгсөн чиглэлийн дагуу шуурхай штаб ярьж байна.

Маргааш Улсын Онцгой комисс энэ бүх асуудлаар хуралдана.


Энэ мэдээ таалагдаж байвал:


  • ИРГЭН · [103.26.194.251] · 2020/04/08

    ТВ-ээр багш нь хичээл заасан болж оюутан, сурагчид нь түүнийг сонссон болж байгаа байдал нь туйлын чанаргүй байна. Ингэж оромдож байснаас намар хичээлээ ном ёсоор нь явуулах нь зүйтэй шүү. Одоо хөдөө байгаа оюутан сурагчтай энэ талаар ярих ч юм байхгүй болсон . Ерөнхий сайдын саналыг 100% дэмжиж байна.