“Номадиа пикчерс”, “Боловсрол” телевизийн хамтын бүтээл “Үндэсний үсэглэлийн аварга” шоу нэвтрүүлэг өнгөрсөн 2 сард хамгийн анхны аваргаа өлгийдөж авсан билээ. Эх хэлнийхээ соёлыг таниулан хойч үедээ түгээх зорилгоор бэлтгэсэн тус шоуны ялагчаар "Соёмбо" сургуулийн тавдугаар ангийн сурагч М.Түвшинзаяа тодорч 10 сая төгрөгөөр шагнуулсан юм. Дэлхий даяар COVID 19 халдвартай тэмцэж байгаа хүнд цаг үед бяцхан үрс минь хүртэл эх орондоо сэтгэлийн хандив хүргүүлж байна. М.Түвшинзаяа ЭМЯ-нд 500 мянган төгрөг хандивласанд Эрүүл мэндийн сайд Д.Сарангэрэл бяцхан охинд талархал илэрхийлж, "Дэлхийн олон оронд тархаад буй коронавируст халдвараас иргэдээ хамгаалах, урьдчилан сэргийлэх бэлэн байдлыг хангах их үйлсэд чин сэтгэлийн хандив 500 мянган төгрөг өргөж буйд Монгол Улсын Засгийн газар, Эрүүл мэндийн салбарын нэрийн өмнөөс гүн талархал илэрхийлье" хэмээсэн Талархлын бичиг гардуулжээ.

Шуурхай.мн