Улстөр / 2020/03/03 / 13

Д.Хаянхярваа ХХААХҮ-ийн сайдад хандаж, ЖДҮХС руу утсаар яриад 900 сая төгрөгийн санхүүжилт авчээ



Жил гаруйн өмнөөс ил болж, олон нийтийн дургүйцлийг төрүүлсэн “ЖДҮ-гийн хэрэг”-т эрх баригч МАН-ын ихэнх гишүүн холбогдсон байдаг. Тухайн гишүүдийг үлдсэн хэсэг нь үзэж харж чадахгүй байгаагаа хэвлэл, олон нийтийн мэдээллийн хэрэгслээр илэрхийлсээр ирсэн.
 
Тийм гишүүдийн нэг нь УИХ-ын гишүүн Д.Хаянхярваа байв. Тэрээр тухайн үед УИХ дахь МАН-ын бүлгийн дарга байлаа. Д.Хаянхярваа 2018 оны арваннэгдүгээр сарын 12-нд мэдээлэл хийж “Бүлгийн даргын хувиар биш хувь гишүүний зүгээс ЖДҮХС-тай нэр холбогдсон хүмүүст хариуцлага тооцуулах шаардлагыг УИХ-ын дарга М.Энхболд, Ерөнхий сайд У.Хүрэлсүх нарт хүргүүлж байна” гэж байсан юм.
 
Тэрээр “ЖДҮХС-г тойрсон маргаан намжихгүй байна. УИХ, Засгийн газар, намын түвшинд тодорхой арга хэмжээ авч чадахгүй байна. ХХААХҮ-ийн сайдаар ажиллаж байсан Б.Батзоригийг огцруулснаар шуугиан намжих байх гэсэн хүлээлттэй байгаа юмуу гэж харж байна. Олны анхаарлыг татсан асуудалд яагаад Ерөнхий сайд, Намын дарга дорвитой хариулт өгөхгүй байгаа нь анхаарал татаж байна. УИХ-ын дарга, Ерөнхий сайд нийгмийн анхаарал татсан энэ асуудалд тодорхой арга хэмжээ авах нь зүйтэй гэдэг үүднээс өнөөдөр шаардлага хүргүүлж байна” гээд ЖДҮХС-гаас өөрийн болон хамаарал бүхий этгээдийнхээ компанид зээл авч өгсөн, зуучилж нэр холбогдсон гишүүдийн ёс зүйн асуудлыг Ёс зүйн дэд хороогоор хэлэлцэн дүгнэлт гаргаж, ёс зүйн хариуцлага тооцох, тус сан болон Засгийн газрын тусгай сангуудыг шалгах ажлын хэсгийг Төсвийн байнгын хорооноос яаралтай байгуулж, дүгнэлт гаргах, УИХ-аас томилогддог төрийн өндөр албан тушаалтнуудаас өөрийн хамаарал бүхий компанидаа ЖДҮХС-гаас зээл авч зуучилсан бол түүнд хариуцлага тооцож, огцруулах, дээрх сангаас авсан зээлээ банк бус санхүүгийн байгууллага, хадгаламж зээлийн хоршоогоор дамжуулан 30 хувийн хүүтэй зээлдүүлсэн байж болзошгүй тухай мэдээллийг нягтлан шалгах асуудлаар УИХ-ын дарга М.Энхболд, Монгол Улсын Ерөнхий сайд У.Хүрэлсүх нарт шаардлага хүргүүлж байв.
Гэвч Д.Хаянхярваа УИХ дахь МАН-ын бүлгийн дарга байхдаа ЖДҮ-гийн асуудалд нэр холбогдоод авсан байна.
 
Тодруулбал, УИХ-ын гишүүн Д.Хаянхярваа “Дархан эрдэнэ мах комбинат” ХХК-ийн төслийг дэмжүүлэхээр ХХААХҮ-ийн сайд Б.Батзоригт хандаж байсан нь хууль хяналтын байгууллагын шалгалтаар тогтоогджээ.
Харин ХХААХҮ-ийн сайд асан Б.Батзориг хожим энэ талаар ярихдаа “Би компанийг нь мэдэхгүй байна. Албан хүсэлтээр хандаж байсан байхыг үгүйсгэхгүй” гэж талбарласан байна.
 
Гэтэл 2018 оны хавар ХХААХҮ-ийн сайд Б.Батзориг өөрөө ЖДҮХС-гийн захирал С.Төгсбилэгт дэмжих шаардлагатай компаниудын нэгээр УИХ дахь МАН-ын бүлгийн дарга Д.Хаянхярваагийн гэх “Дархан эрдэнэ мах комбинат” ХХК-ийн нэрийг хэлжээ. Түүнийх нь дараа УИХ дахь МАН-ын бүлгийн дарга Д.Хаянхярваа ЖДҮХС-гийн Зээл, төслийн хэлтсийн дарга Ж.Баасандоржийн гар утас руу залгаж, “Дархан эрдэнэ мах комбинат” ХХК-ийн талаар хэлж сануулсан байна. Тухайн үед ЖДҮХС-гийнхан “Д.Хаянхярваа гишүүн хаанаас утасны дугаар олчихов оо” гэж ихэд гайхсан байгаа юм.
 
 
 
Улмаар дээрх компани нь ХХААХҮ-ийн сайд Б.Батзоригийн 2018 оны тавдугаар сарын 14-ний А-88 тоот тушаалд багтаж 900 сая төгрөгийн санхүүжилтийг авсан байна. Уг санхүүжилт 2018 оны зургадугаар сарын 8-ны өдөр ЖДҮХС-гийн Төрийн банк дахь 100900037019 тоот данснаас “Дархан эрдэнэ мах комбинат” ХХК-ийн данс руу шилжсэн байна.
 
 
 
“Дархан эрдэнэ мах комбинат” ХХК-ийн хувьд Дархан-Уул аймгийн Засаг даргын мөрийн хөтөлбөрийн хүрээнд 40 хүнийг тогтмол ажилтай орлоготой болгож 2017 оны арванхоёрдугаар сарын сүүлчээр нээлтээ хийж байжээ.
Тус компанийг тухайн үед “Эрдэнэс Монгол” ХХК-ийн Санхүү эрхэлсэн дэд захирлаар ажиллаж байсан Г.Ганболдын эзэмшлийнх, Г.Ганболд нь Д.Хаянхярваагийн сонгуулийн менежер зэргээр ойр дотно явсан гэх мэдээлэл тарсан. Гэхдээ энэ нь худлаа болж, дээрх компани Г.Ганболдын биш И.Ганболд гэгчийн эзэмшлийнх болж таарсан.
Харин “Дархан эрдэнэ мах комбинат” ХХК-ийн талаар Гадаадын иргэн харьяатын газрын 2019 оны наймдугаар сарын 26-наас есдүгээр сарын 25-ны хоорондох ажлын тайланд “Дархан-Уул аймаг дархан сум III баг 103 тоотод байрлах “Дархан эрдэнэ мах комбинат” ХХК-д БНХАУ-ын иргэн Li Fengbo /1977 оны 05 дугаар сарын 05-ны өдөр төрсөн, эрэгтэй, EG8448925 дугаарын паспорттай/ нь 2019 оны наймдугаар сарын 12-ны өдөр “В” ангиллын, 30 хоногтой визтэйгээр Замын-Үүд авто замын боомтоор Монгол Улсад ирэн, Монгол Улсын нутаг дэвсгэрт хөдөлмөр эрхлэх журам зөрчсөн нь тогтоогдож, Зөрчлийн тухай хуулийн 16.2-1.4 дахь заалтад заасны дагуу торгуулийн арга хэмжээ авагдан, Гадаадын иргэний эрх зүйн байдлын тухай хуулийн 37.1.7 дахь заалт болон Засгийн газрын 2010 оны 339 дүгээр тогтоолоор баталсан “Гадаадын иргэнийг Монгол Улсаас албадан гаргах болон Монгол Улсад дахин оруулахгүй байх хугацааг тогтоох журам”-ын 3.7 дахь хэсэгт заасны дагуу гурван жилийн хугацаанд Монгол Улсад дахин нэвтрэх эрхгүйгээр албадан гаргах саналыг Хяналт шалгалтын газарт хүргүүлсэн” гэх мэдээлэл дурдагджээ.
 
 
 
ӨДӨР ТУТМЫН СОНИНУУДЫН “ЭРЭН СУРВАЛЖЛАГЧ” НЭГДЭЛ
 
Эх сурвалж: “Зууны мэдээ” сонин


  • ЗОЧИН · [103.212.117.175] · 2020/03/18

    зза та нар ингэж хуцалдаж гачаалдаж айхаар миний утасны төлбөрийг төлчих 50000 төгрөг гарчихаад байна яахав нэг удаа төлөөд л өгчих амжих уу? хэрвээ за гэвэл би дансаа өгий


  • Зочин · [66.181.167.254] · 2020/03/17

    Ийм илжигнүүд үхэхэд 2 м2 хүрэхгүй газрын мөнгө л төлнө ш дээ, тэгээд ядаж байхад нүцгэн буцна... Ийм их мөнгөөр яах гэдэг шуналын туламнууд юм бол оо???


  • зочин · [66.181.169.108] · 2020/03/13

    харах царайны их муухай хүн шүү, гал үлээж газар гишгэх нь л үнэн бх да энэ амьтанд, дандаа хулгай луйвар яаж амьдардын бол до, гэр бүлийнхэнд нь дарамттай хэцүү байдаг болуу олсон олзы нь ямар замаар олж байгааг мэддэг болуу айдаг болуу бодсон чинь аймаар юмаа


  • са · [202.9.47.13] · 2020/03/13

    хаынхырваа. тэрбишдагв нар чинэ мэргэжлийн хулайч нар шуудээ. хамгийн хун муутай луувирчид шуу


  • ZOCHIN · [58.173.29.149] · 2020/03/12

    IIMERHUU TENEGDUU HUN ALAHAAS CH BUTCAHGUI TCARAITAI YM NUUD YU CH HIIHEES ICHIHGUI.HUSCHIHAAD L HUMUUST TUSALSAN GEED L GURDIINEDEE...


  • зочин · [202.9.46.26] · 2020/03/11

    ХАЯНХЯРВАА ГЭДЭГ НӨХӨР Ч ДАНДАА Л БУРУУ ТАЛД СЭВЭЭД БАЙГАА ХҮН ДЭЭ. ТҮҮНЭЭС НЬ ХАРАХААР ӨӨРӨӨ ӨӨРИЙГӨӨ МАНАН БҮЛЭГЛЭЛИЙН НЭГ ГАР ХӨЛ ШҮҮ БИ ГЭЖ ЗАРЛААД БАЙГААТАЙ НЭГ САНАГДДАГ. ӨДИЙ ТӨДИЙ ГЭМТ ХЭРЭГ ҮЙЛЭЭД ОДОО МАНАЙ МОНГОЛД Ч ИРЭХ НҮҮРГҮЙ ЗУГТАЖ ЯВАА ХУЛГАЙЧ ЭЛБЭГДОРЖИЙГ ӨМӨӨРЧ БАЙГАА МАН-ЫН ГАНЦ ГИШҮҮН, ЭНХСАЙХАНЫГ БОЛ АЛГА ТАШИН УУХАЙЛЖ БАЙГАА ХҮН, С.БАЯРЫН АМНААС ГАРСАН ХИЙГ Ч БАЙСАН ЦААШ НЬ ДАМЖУУЛАХ МЭДРЭЛГҮЙ ШАХАМ ХОББИТОЙ ЭТГЭЭД. ЯАГААД ЭНЭ НӨХӨР МОНГОЛЫН АРД ТҮМНИЙ ТАЛД БИШ ЭРДЭНЭТИЙГ НЬ ХУЛГАЙЛСАН ЭЛБЭГДОРЖИЙГ, НӨГӨӨ Л ЭЛБЭГ ХУЛГАЙЧИЙН ЗААВРААР ОЮУ-ТОЛГОЙГ САМАРСАН САЙХАНБИЛЭГ, БАЯРЦОГТ, С.БАЯР НАРЫГ ҮХЭН ХАТАН ХАМГААЛААД БАЙДАГ ЮМ БОЛ ГЭЖ ГАЙХАХ ЮМГҮЙ ӨӨРӨӨ БИ НЭГ ЭРЭГ ШУРАГ НЬ ГЭЖ ЗАРЛААД БАЙГАА ЭТГЭЭД. МИ.ЭНХБОЛДОД Ч ЯАХАВ ХЭЗЭЭНИЙ ӨРТЭЙ ЮМ БАЙГАА БИЗ. ИЙМ СОНИН СОНИРХОЛ БҮХИЙ ЭТГЭЭД АРД ТҮМНИЙ ЗӨВ ГЭСЭН БҮХЭН РҮҮ БУРУУ ГЭЖ ДАЙРААД УДЛАА. АРД ТҮМЭН ХАРААД Л ОЙЛГООД Л ЖИГШЭЭД Л БАЙГАА ДАА. АРД ТҮМНЭЭС БИШ НӨГӨӨДҮҮЛИЙНХЭЭ ДЭМЖЛЭГЭЭР ОЛОН ЖИЛ АМЬДРАХ ЮМ БАЙЛГҮЙ


  • Bataa · [103.9.90.130] · 2020/03/06

    Энэ амьсгаа хоёр ходоодтой юм байх да, ямар шуналтай ... вэ?


  • Зочин · [64.119.20.179] · 2020/03/05

    Ардын намын хулгайч нар бугд авсан шуу дээ. Ард тумний омчоос хулгай луйвар хийхэд ямар байдгийг сонгуулиар л узуулэх хэрэгтэй дээ


  • Зочин · [103.26.193.153] · 2020/03/04

    erhiig n tudgelzuuleed shorond n hiigeecheee manangiin yalgadasiig


  • ЗОЧИН · [64.119.27.221] · 2020/03/04

    ЭНЭ ХАЯНХЯРВАА БОЛ ХААНА Л ЯВНА ХУЛГАЙ, ЛУЙВАР НЬ СҮҮДЭР МЭТ ДАГААСТАЙ ЯВДАГ НӨХӨР АЖ, МАН-ЫН ТОМЧУУДЫН ШАЛГАРСАН ХУЛГАЙЧИЙН НЭГ ЯАХ Ч АРГАГҮЙ МӨН АЖ.ГЭМГҮЙ ЦАРАЙЛСАН ХУЛГАЙЧ ДАА.


  • Уншигч · [103.9.90.53] · 2020/03/04

    Сүүлийн үед Хаянхярваа, Тэрбишдагва нарын хүмүүсрүү л ЖДҮ-гийн үзүүрийг чиглүүлэхийг оролдох боллоо. Хувьдаа аваад ашиглачихсаныг нь яах ч үгүй мөртлөө авсан гэж нэр нь дуулдаагүй хүмүүсийг л цоллох боллоо. Бодлого л юм байх даа.


  • зочин · [43.242.243.231] · 2020/03/04

    Шудрага царайтай хуурамч баг зүсэн гайхалууд их байх юм аа.


  • gggg · [103.57.94.211] · 2020/03/03

    Хаянхярваа гишүүнд атаархцгаая. Өөр яалтай билээ