Ё.БААТАРБИЛЭГ: Энэ бүх зохицуулалт хүүхдийн төлөө, тэдний сурч боловсрох эрхийг орхигдуулахгүй байхын төлөө гэдгийг ойлгох хэрэгтэй


Монгол Улсын Засгийн газрын ээлжит хуралдаан 2020 оны 02 дугаар сарын 19-ний өдөр болж шинэ коронавирусын дэгдэлтийн эрсдлээс урьдчилан сэргийлэх зорилгоор нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийг гамшгаас хамгаалах бэлэн байдлын зэрэгт шилжүүлсэн хугацааг 2020 оны 03 дугаар сарын 30-ны өдрийг хүртэл сунгалаа.

Хорио цээрийн дэглэмийг үргэлжүүлэх болсонтой холбогдуулан Боловсрол, соёл, шинжлэх ухаан, спортын сайд Ё.Баатарбилэг боловсрол болон бусад салбарт авах зохицуулалт арга хэмжээний талаар мэдээлэл өглөө.

Боловсролын салбарт:
1. Цэцэрлэг, ерөнхий боловсролын сургуулийн хичээлийн жилийн үргэлжлэх хугацааг хойшлуулж, сунгахгүй. Өөрөөр хэлбэл цэцэрлэг болон ерөнхий боловсролын сургуулийн I-V ангийн сурагчдын хувьд 6 дугаар сарын 01-ний өдрөөс, VI-XII ангийн сурагчдын хувьд 6 дугаар сарын 08-ны өдрөөс эхлэн амарна.
2. Ерөнхий боловсролын сургуулийн сурагчид 3 дугаар улирлаар амрахгүй үргэлжлүүлэн хичээллэнэ. Мөн 4 болон 5 дугаар сарын бүх Бямба гарагуудад хичээллэх зохицуулалт хийнэ.
3. Анги дэвших болон төгсөх шалгалтын 7 хоногийг хичээлийн 7 хоногт шилжүүлэхээр төлөвлөж байна. 
4. Үлдсэн 2 долоо хоногийн хичээл, сургалтын агуулгыг “Теле хичээл”-ээр зохион байгуулах зохицуулалт хийнэ. Мөн Теле хичээлээр заасан шинэ агуулгыг бататгах 1 долоо хоногийн хичээлийг бэлтгэнэ. Өнөөдрийн байдлаар 500 гаруй цагийн 6700 минутын Теле хичээлийг бэлтгэн, телевизүүд 4 долоо хоногийн турш нэвтрүүлж байна.
5. Сургуулийн өмнөх боловсролд Теле хичээл, хөгжүүлэх үйл ажиллагаа зохион байгуулагдана.
6. Төрийн өмчийн их, дээд сургуулиуд Боловсролын удирдлага мэдээллийн систем /БУМС/-ээр оюутнуудын цахим хичээлийн сонголт, хичээлийн явц, оролцоог хянаж байна. Хорио, хөдөлгөөний хязгаарлалтын хугацааг сунгах тохиолдолд хичээлийн жилийн үргэлжлэх хугацааг сунгахгүй.
7. Элсэлтийн ерөнхий шалгалтыг VI сарын 8-11-ний өдрүүдэд зохион байгуулж, их дээд сургуулийн элсэлтийг VI сарын 15-нд дуусгахаар төлөвлөж байна.

Соёл, шинжлэх ухаан, спортын салбарт:
1. Телевиз, радио, интернэтэд суурилсан уран бүтээл, шилдэг контентыг урын сангаараа дамжуулж олон нийтэд хүргэх хөтөлбөрийг боловсруулж, хэвлэл мэдээллийн байгууллагатай хамтран хэрэгжүүлнэ.
2. Улсын хэмжээнд төлөвлөгдсөн спортын тэмцээн, наадам, сургалт, олныг хамарсан үйл ажиллагаа болон нийтийг хамарсан биеийн тамир, спортын аливаа үйл ажиллагаа, сургалт, семинаруудыг бүрэн зогсоосон зөвлөмж чиглэлийг үргэлжлүүлнэ.
3. Үндэсний шигшээ багаас бусад спортын секц, дугуйлан хичээллүүлэхийг хориглох, олимпийн эрх, оноо олгох тэмцээнээс бусад олон улсын тэмцээнд баг тамирчид оролцохгүй байх зохицуулалт үргэлжилнэ.
4. Шинжлэх ухаан, инновацийн салбарт төсөв, санхүүтэй холбоотой хүндрэл үүсэхгүй, өмнө нь хэрэгжүүлж байсан зөвлөмж, чиглэлийн хэрэгжилтийг сайжруулна гэдгээ мэдэгдлээ. Тэрээр мөн "4, 5 дугаар сард багш сурагчид аль аль нь ачаалалтай байх болно. Эцэг эхчүүд ойлгож, багш болон хүүхдэдээ дэм тус болоорой. Энэ бүх зохицуулалт хүүхдийн төлөө, тэдний сурч боловсрох эрхийг орхигдуулахгүй байхын төлөө хийж байгааг ойлгох хэрэгтэй" гэлээ.

 


Энэ мэдээ таалагдаж байвал:


  • zochin · [182.160.0.150] · 2020/02/27

    saidaa tanai yamand 2019 ond ajild orson 10-r angi togsson yamarch deed bolovsrolgui hun ajild orson boloogui bas sanhuugiin heltesd shuu gadaad dotoodod olon jil surch bolovsrol ezemshsen bid yah uu ene hun yamar argaar ajild orson baih uu


  • Зочин · [203.91.119.42] · 2020/02/20

    Xuviin surguuliin erx ashigiig xamgaalaxgui yum bxda neg nutgiin axiinxaa surguuliig ix demjij bna daa te mvis


  • Od · [122.201.26.172] · 2020/02/20

    Теле хичээл үнэхээр шаардлага хангахгүй байна. нэг дор зэрэг 3 хичээл орох юм. Арай өөр арга хэрэглэмээр байна.


  • Зочин · [66.181.170.117] · 2020/02/20

    1990 оноос өмнө 6 өдөр хичээллэдэг байлаа. Хөдөлмөр хүнийг бүтээсэн, сармагчингаас хүн үүссэн гэж ярьдаг байлаа. Боловсролынхон дээдүүд энэ үзэлтэйгээ байлаг нь харамсалтай.