Ноолуурын дөрөв дэх том хэрэглэгч Германд монголчуудыг жигшиж эхэлжээ


  • Германы ZDF сувгийн “Тамлагдсан амьтны цуст ноолуур” нэвтрүүлэгт “ноолуурыг барьж үзмэгц зөөлөн дулаан мэдрэмж төрдөг, тансаг бүтээгдэхүүн” хэмээн магтсан хүмүүст ямааны хоолой хэрчиж буй бичлэг үзүүлснээр айж жихүүцэн, ноолуур хэрэглэхгүй бодолтой болж буйг үзүүлжээ
  • 2019 оны 12 дугаар сарын 17-нд Германы хоёр дахь том телевиз болох ZDF сувгаас “Тамлагдсан амьтны цуст ноолуур” нэртэй нэвтрүүлэг цацлаа
  • Амьтны эрх хамгаалах PETA байгууллагын монгол уламжлалт мал аж ахуйг харлуулах гэсэн үйлдэл Герман улсад ийнхүү хүчтэй явж байгаа нь анхнаасаа зорилготой гэдгийг тодорхой болголоо

Уг нэвтрүүлэгт Монголын уудам талд бэлчих мал сүргийн дроноор авсан дүрсийг өнгөрсөн онд PETA нийгэмлэгээс гаргасан ямааны хоолойг хэрчиж буй бичлэгтэй эвлүүлэн гаргасан байв. Түүнчлэн ХХААХҮЯ-ны Хөнгөн үйлдвэрийн хөгжлийн бодлого, зохицуулалтын газрын дарга Б.Батхүүгийн яриа болон “Ханбогд Кашемир” компанийн захирал Ч.Ганцэцэгийн малчны хотонд түүхий эд бэлтгэгчтэйгээ уулзсан зэрэг үйл явдалтай хослуулан монголчууд харгис заншлийг тайлбарлаж, төрийн бодлогоо танилцуулсан хоёр цаг гаруйн ярилцлагаас тэс өөр утгаар хэдхэн секундыг эвлүүлсэн байв. Түүнчлэн хаан ширхэгт сайн чанарын ноолуур малчны хотноос ээлтэй аргаар бэлтгэдгээ учирласан үйлдвэрлэгч бүсгүй, малчны ярилцлага ч эсрэг утгаараа шингэсэн байв. Энэ өдрүүдэд ХБНГУ-д “Дэлхийн хүнс, хөдөө аж ахуйн чуулга уулзалт 2020” зохион байгуулагдлаа.

Уг үзэсгэлэнд “Говь” ХК-ийн төлөөлөл оролцож, ноолуурын үйлдвэрлэлийн талаар үнэн бодит мэдээллийг хүргэсэн. Үзэсгэлэнгийн үеэр хэд хэдэн гаднын хүн ирж, ямааг зэрлэгээр тамлан ноолуур бэлтгэдэг тухай асуусан аж. Тиймээс энэ мэдээлэл ервопчуудад хэдийн хүрч,  монгол ноолуураас татгалзахад бэлэн байгаа нь тодорхой боллоо. Ирж асуугаагүй олон сая хүн ташаа ойлголттой хэвээр үлдэх эрсдэл үүсжээ. Дээр өгүүлсэн “Тамлагдсан амьтны цуст ноолуур” нэвтрүүлэгт оруулсан өөр нэг хэсэг нь оны өмнөх хямдралын үеэр дэлгүүрийн үйлчлүүлэгчдээс санал асуулга авсан байв. Тэд “ноолуурыг барьж үзмэгц зөөлөн дулаан мэдрэмж төрдөг, тансаг бүтээгдэхүүн” гэж магтах авч, сэтгүүлч ямааны хоолой хэрчиж буй бичлэг үзүүлснээр айж жихүүцэн, ноолуур хэрэглэхгүй бодолтой болж буйг мөн үзүүлжээ. Амьтны эрх хамгаалах PETA байгууллагын хашаанд бус өөрийн дураар бэлчдэг, байгалийн зүй тогтлоор ноолуурын үйлдвэрлэл явуулдаг монгол уламжлалт мал аж ахуйг харлуулах гэсэн нь манай ноолуурын дөрөв дэх томоохон харилцагч Герман улсад ийнхүү хүчтэй явж байгаа нь анхнаасаа зорилготой явуулсан ажиллагаа гэдэг нь тодорхой боллоо. АНУ-д Гуравдагч хөршийн худалдааны хууль хэлэлцэх гэж буй энэ үетэй давхцан дэлхий нийтэд монгол ноолуурын нэр хүндийг унагах санаархал үйлдвэрлэгчдийн эрх ашигт нөлөөлөхүйц хэмжээнд хүрэх нь. Үүнийг бид өөрсдөө хамгаалж, жинхэнэ эко технологиор бэлтгэдэг, сайн чанарын бүтээгдэхүүнээ зах зээлд хамгаалж үлдэхийн төлөө төр, хувийн хэвшил, хэвлэл мэдээллийн байгууллагууд нэгдэх цаг ирлээ.

Засгийн газрын мэдээ сонин


Энэ мэдээ таалагдаж байвал:


  • Zochin · [202.179.27.246] · 2020/02/24

    Mongoliin soel delhiid haach davtagdahgui eruul zov yum shuu


  • MONGOL TSUSTAN · [202.179.27.246] · 2020/02/24

    Erliiz hunii gai!!!!!


  • Вандан · [103.212.117.202] · 2020/01/28

    шавьж хорхой, өвс ногоогоо идэж, хар усаа угаад халуун орондоо сайхан жаргана биздээ цагаан хоолтон гуай.


  • иргэн · [192.82.74.178] · 2020/01/27

    номинжин гэдэг нь юу хийдэг хүн юм? юу болоод байна ер нь? доор бичсэн хүнтэй санал нэг байна. гадны явууллага


  • К.Номинжин бас сүү тарагнаас татгалзах байхаа. Хөөрхий үнээний хөх дэлэнг өвдтөл татаж сүүг нь шахаж гаргадаг гэж бас боддог байлгүй


  • зочин · [192.82.69.26] · 2020/01/26

    Ноолуурын зах зээлээ алдахаас айсан аль нэг улсын хорт явуулага байх даа. Эсхүл амьтаны гаралтай бүтээгдэхүүн хэрэглэхийн эсрэг гэгч бүлэглэлийн зохиож буй туйлширсан ажлын нэг биз. Бодит байдлыг харуулсан киног нь гаргаж сурталчилмаар юм. Немцүүд гахай, тахиаг алж, өндөгийг нь иддэг нь амьтан хайрласан дүр юм байх даа.


  • Зочин · [192.82.72.113] · 2020/01/25

    номинжин үсээ бүү самнаараа.өөрийгөө бүү тамлаараа.


  • nominjin · [192.82.78.197] · 2020/01/24

    delkhii concloo bayarlen


  • бодь хүн · [192.82.73.171] · 2020/01/24

    эргүү номинжин монголд бүү ирээрэй


  • зочин · [122.201.21.127] · 2020/01/24

    Бусад ,мал ,өсгөе ,гэвэл ямаагаа цөөлөхгүй бол билчээр цөлжлөө. Мөнгө ашгаас балж ямаа өсгөвөл аюул бүгдэд хүрнэ.


  • zochin · [202.9.46.55] · 2020/01/24

    yamaa nomoinjingiin ach gavyia garch bn