ТАЗ-ийнхөн алдаатай тестээр шалгалт авсан гэв


    

Төрийн албаны шалгалтын эхний шат буюу ерөнхий шалгалт өнгөрөгч амралтын өдрүүдэд болсон. Монгол хэл, бичгийн шалгалт  өнөөдөр орон даяар эхлэх гэж байна. Эхний шалгалтын сорил нийт 55 асуулттайгаас 35 оноогоор босго оноог тогтоожээ.

            Төрийн албанд ажиллах хүсэлтэй иргэдийн хувьд энэ шалгалтыг хоног тоолон хүлээдэг. Жил бүр Төрийн албаны зөвлөлөөс шалгалтанд бэлтгэх гарын авлагыг боловсруулж, 20 орчим мянган төгрөгөөр худалдан борлуулдаг. Энэ жилийн хувьд шалгалт эхлэхээс сарын өмнө гарын авлага худалдаанд гарсан. Хууль зүйн үндэсний хүрээлэнгийн үүд гарын авлага худалдаж авахаар дугаарласан иргэдээр тасраагүй. Төрийн албаны шалгалтанд бэлтгэх групп фэйсбүүкт олон бий. Гарын авлагын файл задарч, түүнийг нь иргэд таван мянган төгрөгөөр дамжуулан худалдаж эхэлсэн.

Шалгалтын бүртгэлийн хураамж 10 мянган төгрөгийг бүртгүүлэгч бүр төлдөг. Энэ удаагийн шалгалтын бүртгэл онлайнаар явагдсан нь явдал чирэгдэл багатай, зохион байгуулалт сайтай байсныг иргэд сайшааж байсан. Гэвч шалгалтын тест алдаатай байсан талаар цөөнгүй иргэд шүүмжилж байна.

Харин ТАЗ-өөс энэ удаагийн шалгалтанд хариуцлагагүй хандаж, олон иргэдийн цаг зав, хөдөлмөрийг үнэгүйдүүлж байгаадаа хариуцлага хүлээж байгаа юм алга гэдгийг манайд хандсан уншигч мэдээлэв. Тэрбээр:  “Олон алдаа бий. Харгалзах оноог нь нэмж өгнө” гэх мэтээр алдаагаа байдаг зүйл шиг авирлаж байгаа төрийн албаны зөвлөлөөс хэн хариуцлага нэхэх вэ. Жишээлбэл, босго 35 онооноос 34 оноо авсан шалгуулагч алдаатай тест байсан талаар мэдэгдэж, шалгалтыг нягталж өгөхийг хүссэн өргөдлөө өгчээ. Гэвч шалгуулагчид алдаатай дутуу боловруулсан тест чинь сохроор ч гэсэн зөв бөглөгдсөн учраас танд нэг оноо автоматаар нэмж өгөх боломжгүй гэж хариулсан” гэдгийг хэлэв.

Бид энэ талаар тодруулан эргэж мэдээлэх болно.  


Энэ мэдээ таалагдаж байвал:


  • тэнцсэн иргэн · [119.40.100.66] · 2019/11/21

    Энэ жилийн шалгалт их замбараагүй болсон хоног хугацаа нь сунжирч иргэдийг хэтэрхий чирэгдүүлсэн хөдөө суманд байдаг иргэд аймгийн төв орж 9 хоног буудалд байрласан, тэр тест ч гэсэн асуудалтай,програм нь гацаад л оноо нь янз бүр гараад төрийн албаны төв байгууллага ийм асуудал гаргаж байгаа нь харамсалтай


  • Багш · [66.181.161.92] · 2019/11/19

    Би ТАШ өгсөн. Эхний шалгалтад тэнцээгүй. Гэхдээ шалгалтын тест үнэхээр замбараагүй, бас ТАЗ-өөс гаргасан шаардлагад нийцээгүй байсан. Ганцхан зүйл хэлэхэд тестээ бөглөж дуусаад үлдсэн 40-өөд сек-ийн хугацаанд зөвхөн мэдээлэлзүйн тестийг тусад нь гүйлгэн тоолж үзэхэд 25 байсан. Түүхийн тест ердөө 2, нийгмийнх 3-4 л байсан. Үлдсэн нь хуулийн асуултууд байлаа. Ийм замбараагүй тестээр шалгалт авч хохироосонд үнэхээр гомдолтой байна. ТАЗ ажлаа зөв хийх хэрэгтэй. Чадахгүй бол хүмүүсийн ажил амьдралыг алдуулж, эдийн засаг, сэтгэл санаагаар хохироохоо болих хэрэгтэй.!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!