АТГ: ЦАГДАА НАР ИРГЭНИЙГ ЗОДОЖ, АМИНД НЬ ХҮРСЭН ГЭХ ХЭРГИЙГ ШАЛГАЖ БАЙНА


Ховд аймаг дахь цагдаагийн газрын алба хаагч нар иргэнийг зодож, аминд нь хүрсэн байж болзошгүй хэргийг АТГ-ын Говь-Алтай дахь мөрдөгч шалгаж байна. Тодруулбал, талийгаачийн ар гэрийнхэн "цагдаа цагдаагаа үнэн зөвөөр шалгах нь шударга шийдвэр гаргахад хүндрэлтэй" гэж үзсэн учир АТГ-т өргөдлөө өгсөн байна. Энэ дагуу хэргийг АТГ-ын мөрдөгч шалгаж байгаа аж. Тайлийгаач наймдугаар сарын 3-ны өдөр нас барж, тухайн өдрөөс өргөдлөө өгсөн ч хэрэг шалгах явц удаашралтай байгааг хохирогч тал мэдүүлсэн. Тэгвэл орон нутаг дахь АТГ-ын мөрдөгч гурван аймгийг хариуцан ажилладаг байна. Тиймээс хамрах хүрээнээс шалгаалж, хэрэг мөрдөн шалгах явц удаашралтай байж болох юм. Цагдаагийн алба хаагч иргэнийг зодож, амь насанд нь хохирол учруулсан байж болзошгүй хэргийг тодруулбал, 2019 оны наймдугаар сарын 03-ны өдөр Ховд аймгийн харьяат иргэн И.Цогтбаяр гаднаа харагдах олон тооны хөхөрсөн бяцарсан, хавдсан шархтай амиа алджээ. Түүний амиа алдсан шалтгаанд Талийгаач долоодугаар сарын 29-ны өдөр согтуу байсан тул цагдаагийн байгууллагын "Эрүүлжүүлэх байр"-нд хүргэгдэн хоножээ. Харин маргааш нь буюу 30-ны өдөр "Эрүүлжүүлэх байр"-наас гарч, эрүүгийн мөрдөгч н.Номунтөгөлдөрийг даган цагдаагийн байгууллагын нэгэн өрөөнд орж, 40 орчим минут байсан нь үүдний камерын бичлэгт үлджээ. Ингээд цагдаагийн байрнаас гарч, зам руу явж байгаагаар бичлэг дууссан байна. Цагдаагийн байгууллагын бүх өрөө камертай боловч зөвхөн талийгаачийн орсон өрөөний камер тухайн үед бичлэг хийгээгүй байжээ. Ингээд долоодугаар сарын 31-ны өдөр талийгаач дүүгийнхээ дэлгүүрт ирж, "эм авах мөнгө авсан" нь дэлгүүрийн бичлэгт үлдсэн байна. Тухайн бичлэгт талийгаач арайхийн алхаж байгаа, хөлөө арай ядан зөөж байгаа нь бичигдсэн байна.

Эх сурвалж: Zarig.mn 


Энэ мэдээ таалагдаж байвал:


  • Зочин · [202.131.243.169] · 2019/10/07

    Цагдаа бэлтгэдэг сургуулийн сургалтын агуулга, хөтөлбөр, стандартыг эргэн харах цаг болсон гэдэг нь цагдаа нарын холбогдсон удаа дараагийн гэмт хэргээс харагдаж байгаам. Манай цагдаа нар иргэдийг саатуулаад өөрийгөө танилцуулж ёслох нь байтугай 2 гар нь шууд хүний кармаа луу явдаг байлаа шдээ. Тэмүжин Хууль зүйн сайд болоод хүний карма луу гараа явуулдаг цагдаа арай цөөрсөн байх. Тэр байтугай багш нарыг нь хүртэл өөрчлөх хэрэгтэй. Иргэдийн татварын мөнгөөр цалинжиж, хувцаслаж, машин унадаг байж иргэдээ дарамталдаг, тарчлааж алдаг цагдаа байж таарахгүй.


  • Зочин · [203.91.117.8] · 2019/10/06

    Цагдаа иргэнд үйлчилдэг болохоос яргалж хүн алдаг эрхтэнгүүд биш.Арай дэндэж байгаа юм бишүү.Цагдаагийн сургуулиас хүн яаж алдаг тухай заадаг юм бол уу


  • zochin · [203.91.115.243] · 2019/10/04

    Тийм нэг өрөөтэй юм байж


  • харамсалтай · [103.26.193.172] · 2019/10/03

    камераа бичлэг хийхийг зогсоож байгаад санаатайгаар зодсон байна. ХҮН зодож таашаал авдаг цагдаа нар олширч байна уу? Ойрхон л бас нэг иргэнг цагдаа нар авч яваад зодож алсан байсан. ЮУ гээч нь болоод байна даа???