327-Р АНГИЙН ЦЭРГИЙН АЛБАН ХААГЧ АМИА АЛДЖЭЭ


Батлан хамгаалах болон хилийн цэрэгт байсхийгээд л цэргийн алба хаагч болон байлдагч амиа алддаг үзэгдэл бүр хэвшил болов. Дахин нэг цэргийн алба хаагч амиа алдсан харамсалтай хэрэг гарчээ.Зэвсэгт хүчний 327 дугаар ангийн байлдагч Б.Наранбаяр нь 2019 оны есдүгээр сарын 18-ны өдөр Дорнод аймгийн Чойбалсан сумын “Өлзийт” гэдэг газар хадлан бэлтгэж байх явцдаа хөдөлмөрийн аюулгүй ажиллагаа зөрчигдсөнөөс болж чиргүүлтэй машин дээрээс унаж амь насаа алдсан харамсалтай хэрэг гарсан. -Тухайн үед өвс ачсан машин дээр цэргүүд суулгасан нь Хөдөлмөрийн аюулгүй байдал зөрчигдсөн. Тиймээс тэр үед хариуцаж ажиллуулж байсан албан тушаалтнууд хөдөлмөрийн аюулгүй байдлыг сахиагүйгээс ийм асуудал болсон гэж урьдчилж дүгнэж байгаа бөгөөд тус хэрэг  Дорнод аймгийн Цагдаагийн хэлтэс дээр шалгагдаж байна. Он гарсаар нийтдээ 5 цэргийн албан хаагч амь насаа алдсан хэрэг гарчээ. 

Шуурхай.мн 


Энэ мэдээ таалагдаж байвал: