Энэ оны 7-р сард монголын хэвлэл мэдээллийн салбарт нэгэн солиотой гэмээр сэтгүүл мэндэлжээ. "Хүн" гэх энэхүү сэтгүүлийн нэр тийм ч анхаарал татахгүй ч нүүрэн дээрх зурганд ямар ч хүний нүд унахаар.
18+ тодотголтой сэтгүүлийн бараа ойрд үзээгүй болоод ч тэр үү өөрийн эрхгүй дэлгэн үзвэл, эротик хэвлэл гэдэг нь шууд л анзаарагдана. Секс зөвлөгөө, эротик өгүүллэг, камасутра, мэдээж нүцгэн бүсгүйчүүдийн зурагтай байх аж. Гэхдээ дахин ухан үзвэл утга санаа нь бас нэгэн зүйлийг өгүүлж. Та бидний дунд, монголчууд бидний сүүлийн үед их яригдах болсон нийгмийн цөөнх буюу ижил хүйстнүүдийн тухай өчсөн байх юм. Ингэхдээ ижил хүйстэн одуудаас эхлээд гомо, лэсбигийн нийтлэл, ярилцлага цаашлаад тэдний хууль эрх зүйг ч хөндсөн байна.
Манайх шиг хүн ам цөөтэй улс оронд сүүлийн үед ижил хүйстнүүд олшрох болсон гэсэн албан бус мэдээлэл байдаг ч энэ нь нөгөөтэйгүүр үнэний ортой байж болох талтай.
Ийм байхад бэлгийн чиг хандлага өөрчлөлтэй болохыг хөхүүлэн дэмжсэн гэмээр иймэрхүү хэвлэл дахин нэгээр нэмэгдэхгүй гэх баталгаа байхгүй байна.
Ижил хүйстэн хүмүүсийн эрхийг хөндсөн, асуудал дэвшүүлсэн, тэдний дуу хоолой болсон энэхүү сэтгүүлийг нийгэм даяараа хэрхэн хүлээж авах нь оньсого болон үлдлээ.