Яармагт шинээр баригдаж буй нийслэлийн төр захиргааны байрыг хэрхэн ашиглах талаар талаар иргэдийн дунд санал асуулга явуулна


Хотын төвлөрийг бууруулах зорилгоор Нийслэлийн төр захиргааны байрыг нүүлгэх шийдвэр гарч, Хотын дарга асан С.Батболдын 2018 онд Яармагт гурван блок цогцолбор барилгын ажлыг эхлүүлсэн байдаг. 
Яармагт баригдаж байгаа нийслэлийн төр захиргааны байрны А блок ирэх намраас ашиглалтад орно. Тэгвэл энэ байранд Нийслэлийн төрийн захиргааны байгууллагууд нүүж орох уу, эсвэл өөр хэлбэр зориулалтаар ашиглах уу гэдэг асуудал олны анхаарлыг татаж байна. 
Зарим эх сурвалжийн хэлж байгаагаар Хотын захирагч С.Амарсайхан “Нийслэлд төрийн албан хаагчдын байрнаас илүүтэй тулгамдсан, шийдлээ хүлээсэн олон асуудал байхад төрийн албан хаагчид шинэ байранд орох нь хир зохимжтой вэ. Энэ асуудлыг ард иргэдийн санал асуултад тулгуурлан шийдвэрлэх нь зүйтэй” гэсэн байр суурийг илэрхийлсэн гэжээ. 
Тус барилга нь А, В, С гэсэн нийт 3 блокоос бүрдэх нийт 68.000 м.кв талбай бүхий барилга бөгөөд нийтдээ 97 орчим тэрбум төгрөгний төсөвт өртөгтэй юм. Татвар төлөгчдийн мөнгөөр баригдаж буй тус барилгын зориулалт, ашиглалтыг нийслэлийн иргэдэд чиглэсэн хэлбэрээр үйл ажиллагаа явуулах нь зүйтэй гэсэн байр суурьтай иргэд цөөнгүй байгаа юм. 
Тиймээс нийслэлийн иргэдийн дунд тухайн байрыг Нийслэлийн төр захиргааны байгууллага нүүж орох хэлбэрээр ашиглахуу эсвэл өөр зориулалтаар ашиглах уу гэсэн санал асуулгыг явуулахаар болжээ. 
Хэрвээ иргэдийн олонхи нь нийслэлийн төр захиргааны байгууллага Яармагийн шинэ байранд нүүж орох нь буруу гэж үзвэл дараагийн удаад тухайн байрны зориулалтыг иргэдэд өгөөжтэй, үр дүнтэй байж болох ямар хэлбэрээр ашиглах талаар дахин санал авах шаардлагатай болно. 
Ямартай эхний удаад нийслэлийн иргэд, оршин суугчид та бүхэн Яармагт баригдаж байгаа нийслэлийн төр захиргааны байрны талаарх доорх санал асуулгад идэвхтэй оролцохыг уриалж байна. 
Санал асуулга www.xot.city цахим хаягаар болон нийслэлийн Засаг даргын тамгын газрын албан ёсны цахим хуудас болох Нийслэлийн мэдээ хуудсаар явагдах болно.

 

 


Энэ мэдээ таалагдаж байвал:


  • Зочин · [192.82.65.160] · 2019/06/27

    Засаг дарга АМАРСАЙХАН минь. НИЙСЛЭЛИЙН төрийн албан хаагчид чинь 80 хувь нь өөрийн гэсэн орох оронтой шүү дээ. Санал асуулга гэдэг чинь аюул шүү. Нөгөө л далд мөнгө. Ахан дүүс, найз нөхөд. Борчууд хамрагдах боломжгүй.Энэ засагаас өөдтэй шийдвэр гарахгүй шүү


  • ИРГЭН · [203.91.118.180] · 2019/06/26

    Хэзээ л байхдаа та нар иргэдээсээ санал авч байсан юм бэ иргэд зөвшөөрөөгүй гэж худлаа шоудаад өөр байр барьж идэх л санаа тээж бгаа биз хурдан нүүж үз


  • Зочин · [202.21.115.150] · 2019/06/26

    huuj uzee


  • Зочин · [43.228.131.77] · 2019/06/25

    эмнэлэг болгоёоо...............


  • зочин · [203.91.116.118] · 2019/06/25

    Зориулж барчихаад дараа нь санал асуулга гэж юу яриад байна аа, иргэдээр даажигнаад байна уу, нүүлгэх нь зөв шийдвэр ш дээ, Хотын түгжрэл нилээд багасна, Иргэд түгжрэлд зогсож эдийн засгаараа хохирдог багасна,,, Агаарын бохирдол буурна,, энэ Амарсайхан чинь тэнэг юм уу даа


  • Sanal · [202.9.43.33] · 2019/06/25

    Alivaa asuudlin sudalgaa hiij bj shiidver gargah yostoi buguud negent shiidsen bol dahin ene asuulig yarih hereg bna u, ene jil gertee zasvar hiicheed daraa jil n urd jil zasvar hiisen n buruu yu zuv u gj baigaatai adil yum bna


  • Зочин · [112.72.15.78] · 2019/06/24

    Зориулалтын дагуу л Нийслэлийн төр захиргааны байр байлгах хэрэгтэй ш дээ. Амарсайхан гээд л нэг нөхөр нэг намынхаа урьд нөхдийнхөө хийсэн юмыг үгйүсгэдэг хэн бэ? Өөр намын угшилтай болохоор тэр үү. Дэндүү олбигогүй сэтэртэнгүүд юм аа.