Энэ жилийн наадам болох уу? Ө.Энхтүвшин дарга аа!


Өчигдөр урьд өмнө болж байгаагүй Монгол төрийн наадамд хар толбо болон үлдэх үйл явдал болж өнгөрлөө. Тухайлбал нь МҮБХ-ны тэргүүлэгчид улсын гарьд Ө.Бат-Орших, улсын заан Б.Пүрэвсайхан, улсын начин Э.Даш нарын допинг хэрэглэсэн бөхчүүдэд оноосон шийтгэлийн үлдсэн хугацааг чөлөөлж, хугацаанаас нь өмнө барилдах эрхийг сэргээх шийдвэрийг бөхчүүд эсэргүүцсэнтэй холбоотой. Энэ явдлаас болж Монгол Улсын арслан Ш.Ванчинхүүгийн нэрэмжит наадмын сорилго улс, аймгийн цолтой 128 бөхийн барилдаан өчигдөр цагаасаа нэлээд хожуу эхэлээ. БСШУСЯ, Биеийн тамир, спортын газар, Допингийн эсрэг үндэсний төв хамтран “Допингийн эсрэг үндэсний хяналт-1” төслийн хүрээнд 43 бөхөөс шинжилгээ авахад долоон бөх хориотой бодис хэрэглэсэн нь тогтоогдсон. Эдгээр бөхчүүдийг 2018 оны хоёрдугаар сарын 1-ээс 2020 оны хоёрдугаар сарын 1 хүртэл барилдах эрхийг нь хоёр жилээр хасаад байсан юм. Гэтэл МҮБХ нь бөхчүүд наадмын бэлтгэлдээ гарсан хойгуур цөөн хэдэн хүмүүс нууцаар хуралдаж, дур мэдэн гаргасан шийдвэрээсээ буцан Допингтой бөхчүүдийн барилдах эрхийг сэргээсэн нь дийлэнх олонхийн зүгээс Үндэсний бөхөд допинг хэрэглэхийг "хүлээн зөвшөөрлөө" гэсэн ойлголтыг өглөө.

Энэ талаар улсын аварга Ч.Санжаадамба: “Үндэсний бөхийн холбооны хэсэг бүлэг допинг хэрэглэсэн бөхчүүдийг барилдуулна гэж байна. Уг нь бөхийн холбоо бөхчүүдийнхээ эрх ашгийг хамгаалж байх ёстой. Гэтэл 5-6 хүний эрх ашгийн төлөө 1000 гаруй бөхчүүдийн эрх ашгийг хөндөж, шийдвэр гаргасанд бөхчүүд бид эсэргүүцэж байна. Допингийн асуудлаар надаас гадна олон бөхчүүд эсрэг байр суурьтай байдаг. Энэ талаар олон жил явж байна. Бөхчүүд энэ талаар их эсэргүүцэж байна. Холбооны удирдлагууд байхгүй гэтэл ийм шийдвэр гаргачихсан гээд байдаг. Аварга цолтой хүний хувьд бөхчүүд маань хориотой эм бэлдмэл хэрэглэхгүй байхыг уриалж байна” гэсэн байр суурийг илэрхийлжээ. Тиймээс МУ-н аварга Ч.Санжаадамба тэргүүтэй бөхчүүд үүнийг эсэргүүцэж барилдахгүйгээ илэрхийлээд байна. Допингтой холбоотой энэ асуудал нь ийн хурцадмал байдал үүсгэж, зүлэг ногоон дэвжээнээ барилдах бөхгүйдэхэд хүрээд байна. Энэ байдлаар наадамд зодоглох бөхгүй болж, Монгол төрийн наадам эзэнгүйдэх эмгэнэлтэй зураглал харагдаж эхэллээ. Асуудал нэгэнт иймдээ хүрсэн байхад Монгол улсын шадар сайд, наадам зохион байгуулах комиссын дарга Ө.Энхтүвшин даруй арга хэмжээ авах хэрэгтэй болоод байна. Дэлхий нийтээр эсэргүүцсэн Допингийг үндэсний спортоосоо авч хаяж, хойч үедээ ёс уламжлалаа ариунаар нь өвлүүлэн үлдээхэд МҮБХолбоо чухал үүрэг гүйцэтгэх байгууллага. Гэтэл олны итгэл, хүндлэлийг алдан ажлаа хийсэн шиг хийж чадахгүй үндэсний өв тээгч бөхчүүдээ ийн талцалдуулж, муухай харагдуулахад хүрээд байгаа нь эмгэнэлтэй. Дахин хэлэхэд даруй энэ асуудалд анхаарал хандуулж, цэглэхгүй бол Дэлхийд Монголыг сурталчилдаг үндэсний их баяр  наадам чинь үхлийн ирмэгт ирээд байна!!! Ө.Энхтүвшин дарга аа!!!


Энэ мэдээ таалагдаж байвал:


  • Зочин · [66.181.177.234] · 2019/06/25

    doping khereglesen bukhchuudiig urshuukh yum bol bukhchuud naadamd buu barild , khuuli durem gej baykhaa baychikhsan yachikhsan uls gej iim baydag baynaa?


  • Зочин · [203.91.112.198] · 2019/06/25

    комиссын даргаа допин илэрсэн бөчүүдэд уучлал үзүүлээп барилдуулахуу монгол улс ер юу болоод бнаа


  • Зочин · [66.181.186.88] · 2019/06/25

    DEER N BUUN MUNGU TUGRUGNII ASUUDAL HE HE NEG MUU TSOL GEED BAIGAA YUMAA HUDALDAJ AVNA SHUU UDAHGUI HUDALDAA HUGJLIIN SANAL ERDENEBILEG DARHAN AVARGA BOLNO BAIHAA


  • Зочин · [66.181.186.88] · 2019/06/25

    ER N DOPING HEREGLEH N ZUV SH DEE UNDESNII BUH SPORT BISH SHUU DEE YAJ 45kg HUN 160kg HUNTEI HUCH UZEH VEEE


  • Бөх аяаа хат даа · [103.229.123.52] · 2019/06/24

    Бөхчүүд биш хар тамхичид муусайн норкманууд болж дээ.мансуурсан баастай гүзээнүүдийг харсан ч яалаа бсан ч яалаа.


  • Зочин · [103.57.93.45] · 2019/06/24

    Санжаадамбаар наадам дутаа юу. Баридахаа чаддаг юм бол болиоч. бусдад битгий саап хий. Галдан хулгйачийн хойчоо


  • зочин · [64.119.21.229] · 2019/06/24

    дэлхии нийтээрээ допинг-ын эсрэг явч байна . допингтой тэмцсэн санжаадамба болон бусад бехчуудийн зев. допингтой бехчуудтэй барилдаж хохирсон Эрдэнэхуу, Хехчирэнгэр, Оюунболд нарт цол, чимэгийг нь егех хэрэгтэй.


  • монгол · [103.9.90.98] · 2019/06/24

    Яг үнэн.


  • Гамбаа · [103.242.47.50] · 2019/06/24

    БАЯНМӨНХ АВРАГА ОДОО БОЛВОЛ ТААРАНА БАЙНГА ХОР ХУТГАЖ ЯВАХ ЮМ УВСЫН БӨХ ТҮРҮҮЛЭХ ЮМ БОДОЖ БАЙГАА БИЗ