fbpx

УУЛ УУРХАЙ, ХҮНД ҮЙЛДВЭРИЙН САЙД АЛБАН ДААЛГАВАР ХҮРГҮҮЛЛЭЭ


УУХҮ-ийн сайд Д.Сумъяабазар “Сахилга, дэг журам, хөдөлмөрийн аюулгүй байдлыг сайжруулах, цаг үеийн ажлыг хугацаанд нь шуурхай хэрэгжүүлэх ажлыг хангах талаар авах арга хэмжээний тухай” албан даалгаврыг 2017 оны 10-р сард сайдын ажлаа авангуутаа гаргаж байсан. Харин энэ сарын 14-ний өдөр “Сахилга, дэг журам, хөдөлмөрийн аюулгүй байдлыг сайжруулах, цаг үеийн ажлыг хугацаанд нь шуурхай хэрэгжүүлэх өвөлжилтийн бэлтгэл ажлыг хангах талаар авах арга хэмжээний тухай” дахин албан даалгавар холбогдох газруудад хүргүүллээ.

Уг албан даалгавартажлын хариуцлага, сахилга, дэг журмыг чангатгах, ажилтан, албан хаагчийн ёс зүйн хэм хэмжээг сахиулах,цаг үеийн ажлыг хугацаанд нь шуурхай хэрэгжүүлэхийг тусгажээ.

 Мөн өвөлжилтийн бэлтгэл ажлыг хангаж болзошгүй хүндрэлээс урьдчилан сэргийлэх зорилгоор уул уурхай, хүнд үйлдвэрийн салбарын төрийн болон төрийн өмчит, төрийн өмчийн оролцоотой, хувийн хэвшлийн аж ахуйн нэгж, байгууллагад дараах арга хэмжээ авч ажиллахыг даалгасан байна.

Үүнд ажилтан, албан хаагчдын сахилга бат, дэг журам, ёс зүй, ажлын хариуцлагыг өндөржүүлж, төрийн албаны стандарт, байгууллагын дотоод журмыг чанд мөрдүүлэн ажиллах, ажлын байранд архидан согтуурах, тамхи татсан тохиолдолд Монгол Улсад дагаж мөрдөгдөж байгаа хуулийн дагуу хариуцлага тооцож ажлаас чөлөөлөх хүртэл арга хэмжээ авахтухай тусгажээ.

Мөн төв, орон нутгийн дулааны цахилгаан станцуудыг хангадаг нүүрсний уурхайнууд, салбарын томоохон аж ахуйн нэгжүүдийн үйлдвэрлэлийн найдвартай ажиллагааг хангахад мэргэжил арга зүйн туслалцаа үзүүлэх, өвлийн ид ачааллын үед хүрэлцэхүйц шатахуун, түлшний нөөцтэй байлгахад онцгой анхаарч, хяналтыг сайжруулан, хариуцлагыг чангатгахыг үүрэг болгожээ.

Энэхүү албан даалгаврын дагуу ажлын төлөвлөгөө гарган зохион байгуулж хэрэгжилтэд хяналт тавьж ажиллахыг УУХҮЯ-ны Төрийн нарийн бичгийн дарга Г.Нандинжаргалд хариуцуулсан байна.


Энэ мэдээ таалагдаж байвал:


  • уурхайчин · [202.70.37.34] · 2018/08/17

    Юу бүтээсэн бэ гээд өөрсдөөсөө асуугаарай. 2017 оны даалгаврынхаа биелэлтийг ядахдаа эхлээд шалгаад үр дүнг нь ард түмэнд тайлагначих хэрэгтэй ш дээ. Хэнд хэрэгтэй юм хэрэгждэггүй албан даалгавар


  • irgen · [59.153.114.239] · 2018/08/16

    ZA TEGED SAIDIIN TUSHAAL GEED BAAHAN ALBAN HAGCHIDIIG TSALINGUI ILUU TSAG AJILAAR BULAAAD BGAAARAI DAAA TOM DARGA NARAAA.


  • Зочин · [66.181.178.194] · 2018/08/15

    монгол эх орон ард түмний төлөө ажиллаж чадах уу харин хувийн эрх ашиг шуналаа дийлэхгүй байж мэднэ эднийхэн


  • Зочин · [66.181.178.194] · 2018/08/15

    монгол эх орон ард түмний төлөө ажиллаж чадах уу