УИХ-ын гишүүн Л.Болд өчигдөр хорих 461 дүгээр ангид очиж, Оюутолгойн гэрээний асуудлаар хоригдож байгаа хүмүүстэй уулзжээ. Улмаар Ерөнхий сайд асан Ч.Сайханбилэг, ЗГХЭГ-ын дарга асан С.Баярцогт, ТЕГ-ын дарга асан Б.Арвинсан, "Эрдэнэс Монгол" ХХК-ийн Гүйцэтгэх захирал асан Б.Бямбасайхан нартай уулзсан.
Харин Ерөнхий сайд асан С.Баяртай уулзах гэсэн боловч эмнэлэгт хэвтэж байгаа тул уулзуулаагүй. Мөн "Эрдэнэс Монгол" ХХК-ийн Гүйцэтгэх захирал асан Б.Бямбасайхан 24 хоног барьсан ч нэг ч удаа байцаалт аваагүй, залхаан цээрлүүлж байна гэсэн юм. Тэгвэл энэ асуудалд АТГ-аас албан ёсоор тайлбар өглөө. АТГ "Ерөнхий сайд асан С.Баярыг уулзаагүй биш. С.Баяр өөрөө УИХ-ын гишүүн Л.Болдтой уулзахаас татгалзсан.
Мөн Бямбасайханыг хоёр удаа яллагдагчаар байцаасан. Дахин байцаалт авах гэтэл өмгөөлөгч Цогт нь гадаадад явсан учраас өөрөө өмгөөлөгчгүй өгөхгүй гэсэн байдаг" гэлээ.