fbpx

Зориг эс хүрвээс ухаан эс хүрнэ


Олон жил МАНАН будан дунд төөрсөн Монгол Улсын нийгэмд гэрэл гэгээ асаад удаагүй байна. Ямартай ч У.Хүрэлсүх Гүйцэтгэх засаглалын тэргүүнээр ажиллах гурван жилийн хугацаанд жинхэнэ эх оронч удирдагч гэдгээ амаараа бус ажил үйлсээрээ харуулж чадлаа. Энд хэн нэгнийг магтаж дөвийлгөх гэсэнгүй, мөр зам дээр босож бүтэж байгаа бодит зүйлийг л дуулгах гэсэн хэрэг. Дандаа зорилтот бараан мэдээллийн давалгаан дунд нэг ч атугай гэрэл гэгээ тусгах цаг санж.  

Ямартай ч У.Хүрэлсүх Засгийн газрын тэргүүнээр сонгогдсон даруйд олон талд зоримог  шийдвэр гаргасан нь ажил хэрэг болсон. Өнөөдөр дэлхий нийтэд дэгдсэн цар тахал улс орны эдийн засаг, нийгмийн амьдралд чамгүй заналхийлж байна. Ийм л эгзэгтэй цаг үед Засгийн газраас оновчтой хэрнээ зоримог шийдвэр гаргаж байгааг олон нийт ч сайшаах аж. Цар тахал, хөл хорионы дэглэмд анхаарч, Засгийн газраас гучаад төсөл арга хэмжээг хэрэгжүүлэхээр ажлаа эхлүүллээ. Хамгийн сүүлд гэхэд  Засгийн газраас гэр хорооллын 220 гаруй мянган өрхөд шахмал түлшийг 50 хувиар ирэх дөрөвдүгээр сар хүртэл нийлүүлэхээр боллоо. Мөн зорилтот бүлгийн иргэдэд үнэгүй түлш хүргэж өгч байна. Халдвар гарсан аймаг, Улаанбаатар хотод ариутгал, халдваргүйжүүлэлт хийх зэрэгт засгийн нөөц хөрөнгөөс гурван тэрбум төгрөг гаргаж өгөхөөр болов. Энэ мэт цаг үеэ дагасан, ямар ч эргэлзээгүй зоримог шийдвэр гаргаж байгаад хаа хаанаа талархалтай байна. Энэ нь сүүлийн хэдхэн өдөрт цагийн байдалтай уялдаж гарсан шийдвэр, тогтоол учраас хойш тавьж, цаг хугацааг багахаан урагшуулъя.

Монгол Улсын төр сүүлийн 20, 30 жил зүрхэлж гардаагүй ажлыг тэр эхлүүлсэн нь өдгөө салбар салбартаа амжилттай явж байгааг монголчууд харж байна. “Зориг эс хүрвээс ухаан эс хүрнэ” гэдэг дээ. Тодотговол, нийслэл хотоо утаанд идүүлэн, өмхий үнэрт дарлуулж 20 жилийн нүүр үзлээ. Өөрсдөө нефтийн орд газартай байж хойд хөршөөс өндөр үнэтэй шатахууныг насаараа хэрэглэсэн. Боломж байсаар байтал орон нутгийн иргэд энхэл донхолтой замаар насаараа савчууллаа. Өөрсдөө нөөц боломжтой байж төмөр зам барих, гаднаас хүч авчрах эсэх тухай 20 жил маргалаа. Гэтэл У.Хүрэлсүх 2017 онд Засгийн газрын тэргүүн болсноор зоримог шийдвэр гаргасны үр дүнд энэ бүх ажил нэгэнт гараанаас гарчээ.  

Ихэс дээдэс маань утаа нэрээр бараг нэг их наяд төгрөг хаашаа хийснээ тайлбарлаж чадахгүй сууж байхад ганцхан жилийн дотор түүхий нүүрс нийслэл рүү оруулахгүй байх шийдвэр гарч, улмаар Шахмал түлшний үйлдвэр байгуулснаар утааны манан илтэд шингэрлээ. Энэ хэрээр иргэдийн сэтгэл ч тэнийж байгааг бид харж л сууна. Мэргэжлийн байгууллагын хэлж байгаагаас харвал утаа 30 гаруй хувьтай буурсан үзүүлэлттэй байна. Төв цэвэрлэх байгууламжийг шинэчлэн барих ажил ид дундаа амжилттай сайн явна. Хорь гаруй жил шав тавьж шоудсан Газрын тос нэрэх үйлдвэрийн ажлыг эхлүүлчихлээ. Үйлдвэртэй холбогдох төмөр замыг өөрсдийн хүчээр бариад амжилттай хүлээлгээд өгчихөв. Үйлдвэрийн ажилчдын 600 айлын орон сууц сүндэрлэж байна. Зүүнбаян-Ханги Мандал чиглэлийн 412 километр төмөр замыг өөрсдийн хүчээр бариад ажил маш амжилттай явж байгааг хаа хаанаа харж сууна. Эдийн засаг нь хасах хоёр хувьд уруудсан Монгол Улсын эдийн засгийг өнөөдөр долоо, найман хувьд өндийлгөөд ирлээ. Тэтгэвэр тэтгэмж, цалин, татвар гувчуурт уян хатан бодлого гаргаад иргэд урамтай алхаж байгааг царайнаас нь харж болно. Тэр тусмаа тэтгэврийн зээл тэглэсэн нь ахмадууддаа үзүүлж байгаа ямар том буян бэ гэдгийг захын өвгөн хэлэх байх. Хоосон улстөржүүлж байгаа бүхнээс ч ард түмэн залхах болжээ.

Энэ бүх шийдвэрийг зориг зүрхтэй хүн л гаргадаг гэдгийг У.Хүрэлсүх харуулж чадлаа. Салхитын мөнгөний ордоос эхлээд стратегийн ач холбогдол бүхий олон орд газрыг төрд буцаан авч, эдийн засгийн эргэлтэд оруулахаар боллоо. Олон жил харьд эзлэгдэж байсан орд газрыг У.Хүрэлсүхээс өөр хүн төрд, ард түмэндээ буцаан авч өгч чадахгүй гэдэгтэй мөрий тавьсан ч болно. Үүний үрээр тэтгэврийн зээл тэглэгдэж байна гэсэн үг. Өнөөдөр Монгол Улсын хэмжээнд экспортын чиглэлээр үйл ажиллагаа явуулдаг үйлдвэр байхгүй гэхэд болно. Тэгвэл У.Хүрэлсүхийн Засгийн газрын шийдвэрээр Дархан-Уул аймагт Арьс ширний үйлдвэр байгуулахаар ажиллаж, боловсон хүчинг хүртэл бэлдээд эхэлсэн. Үүнтэй уялдах, “Эмээлт” төсөл амжилттай хэрэгжиж байна. Монгол Улсын бүх аймаг хатуу хучилттай замаар холбогдсон гээд дурдаад байвал олон зүйл бий. Цэргийн хүнд нэг давуу тал байна. Тэр нь цагийн байдлыг үнэлж чаддаг, тушаал шийдвэрээ хэрэгжүүлэхийг зорьдог, няцашгүй байдагт оршино.

Өнөөдөр улсын нийслэлээс эхлээд хөдөө орон нутаг, Багийн төв хүртэл иргэдийн царайд эрх биш инээмсэглэл тодорчихсон, байшин барилга, сургууль цэцэрлэг барьж, ажлын зэр зэвсэг хангинасан ийм дүр зураг харагдана. Ялангуяа бид дэлхий нийтийг хамарсан аюулт өвчинтэй тэмцэж байгаа үед нэг нэгэндээ дэм өгч, нийгэмдээ гэрэл гэгээ асах хэрэгтэй юм шүү.

С.Баяр


Энэ мэдээ таалагдаж байвал:


  • baagii · [59.153.115.54] · 2020/12/05

    hm ard tumen, ger horoolol, bair, tog ,genet horio ard tumen tuildlaa daa


  • Пялдага · [103.26.195.109] · 2020/12/05

    За зайл аа


  • Зочин · [103.9.90.130] · 2020/12/04

    Зөв удирдагч бол У.Хүрэлсүх хэрэв цар тахалтай энэ хүнд үед энэ эх оронч зоримог ухаантай залуу байгаагүй бол яах байсан бол. Улс төрийн зарим нам , улс төрч нар Хүрэлсүхийн зоригийг мохоох гэж болвол унагачих санаатай зохион байгуулалттайгаар түүний удирдаж байгаа засгийн газарын үйл ажиллагааг ХАРЛУУЛАХ, ҮГҮЙСГЭХ, БУРУУТГАХ , ДОРОМЖЛОХ , ажиллагааг хэвлэл мэдээллийн хэрэгсэл , цахим орчин, хөлсний сэтгүүлч нарыг ашиглан өргөн цар хүрээтэй явуулж байх шиг.


  • Эмээ · [202.21.108.12] · 2020/12/04

    Хүрэлсүх хүү цэргийн хүний мундаг зангарагаар энэ уруудсан улс орныг өөд нь татаад эхлэсэн. Хийж эхлэсэн бүхнийг нь харлуулж байж өөртөө суудал засах гэсэн шуналтанд л таалагддаггүй байх. Ард түмэн бол аль хэдийн талархаж дэмжиж байгаа. Тэр ерөнхийлөгч л болж хэрэггүй шүү.эхлэсэн бүхнийг чинь нурааж эзэн суух гэсэн зомбинуудын гарт эх орон ард түмэн чинь орно.өөрөөс чинь өөр зоримог шийдвэр гаргаад энэ 12 толгойтой атгаалжин мангаснуудаас улсаа хамгаалаад ард түмнээ аваад явчих лидер огт харагдахгүй байна. Ерөнхийлөгч болох цаг хүү минь чамд ирнэ.


  • Зочин · [66.181.179.67] · 2020/12/03

    Sanjiin Bayar Hurelsuhee magtaad bgaa yum uu daa ynz n


  • Нараа · [59.153.115.82] · 2020/12/03

    Урам өгөх хэрэгтэй хүнд үед ажиллаж байна. Дэндүү их асуудал овоорсоныг энэ өвчинтэй тэмцэх хүрээнд шийдэж чадахгүйг ард олон ойлгох хэрэгтэй. Ойлгодоггүй хүмүүст ойлготол нь тайлбарлах хэрэгтэй. Үүнийг далимдуулан атгаг санаагаа хэрэгжүүлэхээр улайрагчдын үнэн нүүрийг ил болтол нь ил тод байх хэрэгтэй байна.