fbpx

Т.Мөнхсайхан: Би сайд болсноосоо хойш 18 тэрбумын тоног төхөөрөмж худалдаж аваагүй


ОНОМ  сангаас Эрүүл мэндийн сайд Т.Мөнхсайхан 18 тэрбум төгрөгийн үнэ бүхий ажилладаггүй тоног төхөөрөмж худалдаж авсан гэх мэдээлэл хийгээд байгаа билээ. Мөн ДЭМБ-аас зөвлөмж болгоогүй оношлуур ашиглаж байгаа талаар ч дурдагдсан.

Засгийн газрын шийдвэрийг танилцуулах үеэр Эрүүл мэндийн сайд энэ асуудал дээр тайлбар хийлээ.

Тэрээр “ДЭМБ зөвшөөрөөгүй оношлуур авсан гэж юу яриад байгааг ойлгохгүй байна. Монгол Улсад хэрэглэж байгаа оношлуур, техник төхөөрөмжийг ДЭМБ өөрөө бүртгэж, үнэ ханшийг нь тогтоосон байдаг. Мөн 18 тэрбумын ажилладаггүй тоног төхөөрөмж авсан гээд байгаа. Би сайдаар ажиллаж эхэлснээс хойш манай яаман дээр ийм үнэтэй тоног төхөөрөмжийн худалдан авалт хийгдээгүй. Би ойлгохдоо Дэлхийн банкнаас Цахим эрүүл мэнд төслийн хүрээнд 6 сая ам.долларын төслийг хэлсэн гэж ойлгосон. Энэ нь 2018 онд цахим программ худалдан авах тендерийн хороо  байгуулагдсан. 2019 оноос тендерийн хороо өөрчлөгдөөд худалдан авалтаа зарлаад 2020 оны 6 дугаар сард сонгон шалгаруулалт болсон байдаг. Гэтэл би 7 дугаар сард сайдаар томилогдсон. Тиймээс би энэ асуудалд ямар нэгэн холбоогүй. Энэ асуудлыг би хууль хяналтын байгууллагад шалгуулна” гэлээ.

Эх сурвалж: shuurhai.mn Г.ОЧИР


Энэ мэдээ таалагдаж байвал:


  • зочин · [66.181.185.153] · 2020/12/01

    Тэр физикч Наранбаатарын “Оном сан” гэгчийг шалгавал их юм гарнаа.


  • зочин · [202.21.116.86] · 2020/11/30

    Хариуцлагатай үүрэгт ажлаа сайн хийнэ үү,,,,Баримт нотолгоогоор л ярьж байгаа байлгүй,


  • Зочин · [66.181.171.26] · 2020/11/30

    ӨӨрийнх нь амнаа сонсоогүй байж бусдыг буруутгахал хүмүүс болих хэрэгтэй.


  • Иргэн · [202.21.108.168] · 2020/11/29

    Хууль шүүхийнхэн ч хэцүү дээ. Аль мөнгөтэй талд нь л шийднэ. Бас Женкотой тохирч чадвал хэрэг хийсэн ч мултрах боломж бий.