Өнөөдөр Жендерт суурилсан хүчирхийллийн эсрэг "ДЭЛХИЙ НИЙТИЙН 16 ХОНОГ"-ийн аян эхэлж байна. Охид, эмэгтэйчүүдийн эсрэг хүчирхийллийг зогсоох санаачлагат ажлыг дэлхий нийтээрээ өрнүүлнэ гэсэн үг.
Харамсалтай нь Монгол Улсын хувьд энэ өдрийг хар мэдээтэй угтаж байна. Насанд хүрээгүй ах нь дүүгээ онц хэрцгийгээр хөнөөсөн мэдээ өчигдөрхөн Монголоор нэг шуугилаа. Гэмт хэрэгтнүүдэд сэдэл өгөх эрсдэлтэй учраас энэ талаар дэлгэрүүлэхийг азная. Он гараад эхний 10 сарын байдлаар 200 гаруй хүүхэд бэлгийн хүчирхийлэлд өртсөн ноцтой мэдээг хохирогч хүүхдийг хамгаалдаг Үжин төвийн захирал Д.Ундраа өгч байгаа юм. 2020 он бол дэлхий нийтээр цар тахал тархаж улс орон даяар архи согтууруулах ундааны худалдан борлуулалт, хэрэглээг хязгаарласан. Ялангуяа сүүлийн 1 сар гаруйн хугацаанд бүр хориглочихоод буй. Гэвч ийм нөхцөлд хүчирхийлэл буурахгүй байгаа нь харамсалтай. Сүхбаатар аймагт нөхрийнхөө гарт амиа алдсан цэл залуухан бүсгүйн гунигтай мэдээ ч мартагдаагүй байна.
Хүчирхийллийн эсрэг дэлхийн аяныг Монгол Улс хүчирхийллийн мэдээтэй угтаж байна.
Эх сурвалж: shuurhai.mn Г.ОЧИР