Нийслэлд өчигдөр их хэмжээний цас орсноос хальтиргаа гулгаа үүсээд байна. Хотын захиргааны зүгээс тохижилт үйлчилгээний 20 байгууллагын цэвэрлэгээ давс, бодис цацах 87 тусгай тээврийн хэрэгсэл, 384 зам талбайн үйлчлэгч зам талбайн цас цэвэрлэх ажлыг гүйцэтгэж байна.
Нийслэлийн хэмжээнд 151.5 тонн давс, 107 тонн тусгай зориулалтын бодисыг нийтийн эзэмшлийн зам, талбайд цацаж халтиргаа, гулгаа үүсэх эрсдлээс сэргийлж байна. Мөн цас үргэлжлэн орж байгаа тул замын нөхцөл байдлаас харгалзан давс, бодисыг үргэлжлүүлэн цацах зохион байгуулалтыг хийж байгаа гэнэ.
Эх сурвалж: shuurhai.mn Г.ОЧИР