Ашигт малтмал газрын тосны газраас мэдээлж байгаагаар 2020.09.30-ны байдлаар Монгол орны эрдэс баялагийн 2,645ш тусгай зөвшөөрөл (лиценз) хүчин төгөлдөр байгаа ба эдгээр нь нийтдээ 6,250.1 мянган га талбайг хамарч байна. ӨХ: Улсын нийт газар нутгийн 4% нь тусгай зөвшөөрөлтэй. Төрлөөр нь харвал "А" буюу ашиглалтын 1,689ш тусгай зөвшөөрөл 1,620,2 мянган га талбайг хамарч байна.
Ашигт малтмалын тусгай зөвшөөрөл эзэмшиж буй ААН-үүд болон банк санхүүгийн байгууллагад хэдий хэмжээний зөвшөөрөл барьцаанд буйг дор үзүүлэв.
Нийт 223ш тусгай зөвшөөрөл бүхий 167,002 га талбай газар банк болон банкны бус санхүүгийн байгуулллагын барьцаанд байна. Тоо хэмжээний хувьд 48ш тусгай зөвшөөрөл ХХБ-ны барьцаанд байгаа бол хамарч буй талбайн хувьд 27,026 га газар Голомт банканд.
Харин 10 ба түүнээс дээш тооны тусгай зөвшөөрөл эзэмшиж буй ААН-үүдийг ялгаж харвал:
Монголросцветмет ТӨҮГ 26ш тусгай зөвшөөрөлтэй бол Сингапурын 100% хөрөнгө оруулалттай Цайна инвэстмент монголиа компани 207,645 га-д тусгай зөвшөөрөл эзэмшиж байна.
Б.ЗАЯА
Эх сурвалж: shuurhai.mn