fbpx

Д.Сумъяабазараас нийсчлэлчүүд юу хүлээх вэ?


Орон нутгийн сонгуулиар нийслэлд МАН олонх болсноор удирдлагуудаа сонгож байна. Нийслэлийн МАН-ын V  хуралдаан өчигдөр болж Нийслэлийн Засаг дарга буюу Улаанбаатар хотын захирагч, НИТХ-ын даргад нэр дэвшигчдийг тодруулан дэмжлээ. 

Энэ удаагийн Хотын даргаар УИХ-ын гишүүн, Уул уурхай хүнд үйлдвэрийн сайд Д.Сумъяабазар ажиллах нь тодорхой боллоо. Тэгвэл Д.Сумъяабазараас нийслэлчүүд юуг хүлээх вэ?

Монголын улс төр бөхчүүдээр дүүрлээ, бөх хүн бүдүүн баараг, мэдлэг боловсролгүй гэх ойлголтыг эвдэж яваа улстөрч бол Д.Сумъяабазар. Тэрээр Уул уурхай хүнд үйлдвэрийн яамыг удирдаж эхлээд томоохон төслүүдийг зоригтой урагшлуулж чадсан. Харин энэ удаа нийслэлийг удирдах боломж түүнд оногдлоо. 

Улаанбаатар хэмээх том айлд тулгамдаж буй олон асуудал бий. Цаг үеийн хийгээд байнгын зөв шийдэл нэхэж, хүн амь нас яригдаж байдаг эхний том асуудал бол утаа. Сайжруулсан түлш хэрэглээнд нэвтэрснээр утааны асуудлыг тодорхой хэмжээнд шийдсэн ч угаарын хийнд хордох эрсдэл иргэдийг хамгийн ихээр айдаст автуулж буй. Энэ асуудал дээр Хотын дарга ямар шийдэл гаргаж ирэх нь нийслэлчүүдийн эхний хүлээлт мөн.

Тэгвэл дараагийн хүлээлт бол авто замын түгжрэл. Жилээс жилд улам хүндэрч, иргэдийн уур бухимдлыг дээд цэгт нь хүргэж байгаа замын ачаалал дээр зоригтой шийдэл яалт ч үгүй хэрэгтэй. Э.Бат-Үүл Хотыг удирдаж байхад зоригтой шийдлүүд гаргаж байсныг нийслэлчүүд нэхэн санадаг. Нийтийн тээврийн хэрэгслийг нэгдүгээр эгнээгээр зорчих, авто машины дугаарын хязгаарлалт гэх мэт. 

Нийслэлийн дахин төлөвлөлт буюу гэр хорооллын иргэдийг орон сууцжуулах хөтөлбөр бодлогын хувьд хамгийн зөв хувилбар гэдгийг цаг үе харуулж байгаа. Үүнийг зоригтой үргэлжлүүлж чадвал Д.Сумъяабазарт цаашдын карьерт нэмэх оноо болох нь гарцаагүй. 

Нийслэл хэмээх том айлд өнөөдөр ийм гурван асуудал зоригтой шийдэл хүлээсээр буй. Д.Сумъяабазар харизмтайгаар хөдөлж үр дүнд хүргэж чадах л үлдэж байна.

Б.ЗАЯА

Эх сурвалж: Shuurhai.mn


Энэ мэдээ таалагдаж байвал:


  • Зочин · [124.158.69.237] · 2020/10/31

    хотын ойролцоох бүх зуслан газрууд бүгд шахуу засмал замтай болсон байхад улиастайн чиглэлд засмал байтугай сайжруулсан зам ч алга байна


  • Амжилт · [150.129.143.95] · 2020/10/23

    Энэ нөхөр харин ч шийдэлтэй хийж чадах байх шүү. Нөгөө нөхөр ч НИХТ- ын даргаа хийсэн нь таарах байх. Их бөөрөнхий аймхай, даацтай байж чаддагүй юм шигээ ккк


  • Зочин · [112.72.15.78] · 2020/10/23

    УИХ-д МАН ялалт байгуулж, намын дарга нь Ерөнхий сайд болсон, нийслэл, орон нутгийн сонгуульд МАН ялж дарга Сумьяабазар Засаг дарга боллоо.Энэ 2 удаагийн сонгуулийг гардан зохион байгуулж ялалтад хүргэсэн МАН-ын Ерөнхий нарийн бичгийн дарга нь юу болох юм бол доо. Албан тушаалд дургүй хүн юм болов уу даа


  • Циркээ алдсан · [103.206.195.230] · 2020/10/23

    Циркээ алдсан одоо хотоо алдана