УИХ-ын сонгуулийн 29 дүгээр тойрогт буюу Хан-Уул дүүрэгт МАН-аас нэр дэвшиж буй Г.Амартүвшинг Голланд буюу Нидерландын Вант улсын иргэний харьяалалтай байж болзошгүй холбогдох баримтууд ил болсоор байна.
Хамгийн сүүлд Г.Амартүвшинг Монгол Улсын харьяатаас хассан Ерөнхийлөгчийн зарлиг ил боллоо.
Тодруулбал, Г.Амартүвшингийн өөрийнх нь хүсэлт болон Гадаадын иргэн харьяатын газрын дүгнэлтийг үндэслэн Ерөнхийлөгч асан Ц.Элбэгдорж 2014 оны нэгдүгээр сарын 08-ны өдөр түүнийг Монгол улсын харьяатаас гаргасан зарлиг байх аж.