Улсын бүртгэлийн ерөнхий газраас төрийн үйлчилгээг иргэддээ илүү ойр, бас түргэн шуурхай болгох зорилгоор иргэний үнэмлэх, гадаад паспортын захиалгыг цахимаар авахаар болжээ. Иргэний үнэмлэх, гадаад паспорт захиалах туршилтын ажил дуусч,иргэдээс захиалга аваад эхэлсэн байна. Ингэхдээ иргэний үнэмлэхээ хаяж, гээгдүүлсэн иргэд цахимаар захиалан авах боломжтой болсон байна. Шинээр үнэмлэх захиалахдаа харьяа дүүрэгтээ хандах юм байна. Харин гадаад паспортны цахим захиалгыг энэ сарын сүүлээр авч эхэлхээр төлөвлөсөн аж. Иргэд иргэний үнэмлэх гадаад паспортоо цахимаар захиалахын тулд Burtgel.mn цахим системд хандана. Уг системд нэвтрэхмйн тулд “нэвтрэх” гэсэн цонхон дээр дараад тоон гарын үсэг эсвэл нэг удаагийн нууц кодоор нэвтрэх боломжтой. Таны нэр дээрх гар утасны дугаарт таны нууц кодыг илгээх юм байна. Утсаар ирсэн кодоор нэвтэрч иргэний үнэмлэх, гадаад паспортоо захиална. Системд дансны дугаараа оруулахад төлбөрийг автоматаар тооцох аж. Харин гоо сайхны мэс ажилбар хийлгэсэн иргэд дүүргийн болон нэг цэгийн үйлчилгээний хэсэгт очиж, гадаад паспорт захиалах юм байна.
Эх сурвалж: Шуурхай.мн