"С" хэс эг: Франц, Австрали, Дани, Перу

Гол баг нь мэдээж Францчууд. А.Гризманн, П.Погба, К.Мбаппе зэрэг залуу шилдэг одуудтай Францын баг ДАШТ-ий хоёрдахь алтан медалиа авахаар ирэх нь мэдээж.  Дэлхийн шилдэг лигийн топ багуудад тоглож буй Франц залуус ДАШТ-д хэрхэн тоглох нь дасгалжуулагч Д.Дешамаас шалтгаална.  Д.Дешамын гарт "Топ" зэрэглэлийн тоглогчид байгаа ба тэднийг ямар арга барилаар тоглуулах нь нууц хэвээр байна.

Хаалган дээр Х.Ллорис зогсох бол С.Умтити, Р.Варан нар хамгаалалтаа хариуцана.  Хагас хамгаалалт мөн л хүчирхэг ба П.Погба тэргүүтэй шилдэг залуус буй.  Довтлогчийн байрлалд ч О.Жиру, А.Гризманн, О.Дембеле, К.Мбаппе зэрэг залуус байна. 

Тэдний хэсэгт багтсан багууд нь тун даруухан багууд байгаа ба Австрали, Дани, Перу зэрэг багууд байна. Австрали, Дани, Перу гэсэн гурван багаас аль нь ч хэсгээсээ гарах боломжтой.  Австраличууд 2014 оны ДАШТ-д ганц ч хожил байгуулж чадаагүй бол Перугийн шигшээ баг 36 жилийн дараа 4 дэх удаагаа ДАШТ-д оролцож байна.  К.Эриксен тэргүүтэй Дани ч мөн л даруухан бүрэлдхүүнтэй. 

Энэ хэсгээс Франц нэгээр, Дани хоёроор гарах магадлалтай. Гэхдээ хоёроор гарах баг тун ширүүн өрсөлдөөн дундаас гарч ирэх нь тодорхой.