sesli chat onur air ordu haberleri
Mar 2, 2017 24 comments

Монголын стратегийн ач xолбогдолтой томооxон төслүүдийг “залгигч” гэx Ноён Шин Руан Гуан

нийтлэсэн Admin

Монгол Улс хөгжиж дэвшихэд хөрөнгө оруулалт зайлшгүй хэрэгтэй. Гэхдээ стратегийн чанартай томоохон төсөл хөтөлбөрүүдийнхээ санхүүжилтийн асуудлыг шийдвэрлэхдээ зөвхөн зоосны нүхээр харалгүй, төрийн хар хайрцагны бодлогоо барьж ажиллах ёстой гэдэгтэй Монгол Улсын иргэн бүр санал нийлэх болов уу. Тэрчлэн  угтах олон жилүүдэд улс орны хөгжилд хөтөч болох ёстой томоохон төсөл хөтөлбөрүүдийг олон өөр нэрний ард нуугдсан ГАНЦ компани монопольдож аваад байгаа нь ямар учиртай вэ гэдэг асуултыг тавихаас өөр аргагүй байдал үүсээд байгааг онцлон хэлье. Учир нь Монгол Улс дахь бүхий л томоохон төсөл хөтөлбөрүүдийг Жин Шан нийгэмлэгийн Ерөнхийлөгч  Ши Гаунг Руан гэх хүн гартаа оруулаад өдийг хүрчээ. Ерэн оны нийгмийн шилжилт өөрчлөлтийн дараахан Хятадаас Монголд ирж суурьшсан тэрбээр өнгөрсөн 26 жилийн хугацаанд бизнесээ чинээнд нь тултал цэцэглүүлжээ.Тэрбээр уул уурхай, банк санхүү, эрчим хүч  гэхчлэн боломжит бүхий л салбаруудад том тоглогч болчихоод байгаа юм.

 Гол нь Монгол дахь стратегийн чанартай бүхий л төсөл хөтөлбөрүүдийг ямар нэг аргаар  гартаа оруулж ирсэн Ши Гаунг Руан нь өөрийн улсынхаа “Синхуа” мэдээллийн агентлагт өгсөн ярилцлагадаа  Монгол Улсад бизнесийн томоохон орон зайг эзэлсэн хүн гэх ойлголтыг тодоор өгчээ. “Синхуа” агентлагийн мэдээллээс үзэхэд Ши Гаунг Руаны үүсгэн байгуулсан  Монгол Улс дахь Жин Хуа Групп нь  уул уурхай, олон улсын худалдаа,  банк санхүү, эрчим хүч, байгаль экологи  зэрэг 5 том салбарт  үйл ажиллагаа явуулдаг бөгөөд  зөвхөн эрчим хүчний салбарт 30 тэрбум юаны хөрөнгө оруулалт хийгээд байна. Уг цахилгаан станц нь 3000 МВ-ын хүчин чадалтай Монгол дахь хамгийн том цахиалгаан станц  болох юм. хэмээн бичсэн байна. Тэгэхээр 30 тэрбум юань гэдэг бол 4 тэрбум ам.доллар гэсэн үг. Эрчим хүчний салбар  бол онцгой салбар. Манай улсын тухайд олон жил яригдсан 5-р цахилгаан станц 450 MB-ын хүчин чадалтай ба ашиглалтанд ороход  эрчим хүчний нэмэлт хэрэгцээгээ шийдээд явах бололцоотой байхад ноён Ши Гаунг Руаны Жин Хуа группээс ийм их хэмжээний хөрөнгө гаргаж, өндөр хүчин чадалтай станц барих гэж буй талаарх мэдээлэл яах аргагүй анхаарал татаж байна. Тиймээс уг асуудлын талаар нийтлэлийн сүүл хэсэгт тодотгон өгүүлэх болно.


Ши Гаунг Руаны тухайд  Монголын уул уурхайн салбарт ч ихээхэн хөрөнгө оруулалт хийсэн хүн гэдгээ хятадын хэвлэлд ярьжээ. Тодруулбал, 19 уурхайд хөрөнгө оруулалт хийснээс гадна  байгаль орчны асуудал дээр Жиансу мужийн компанитай  хамтран  Монголын бохир ус цэвэрлэх   байгууламжийн  төсөл дээр ажиллаж байна хэмээн мэдээлжээ.

Тэгэхээр энд бохир ус цэвэрлэх   төсөл гэдэг нь Улаанбаатар хотын Шинэ төв цэвэрлэх байгууламжийн  төслийг хэлээд байна уу гэдэг асуудал гарч ирж байна. Өнгөрсөн олон жилд яригдаж ирсэн уг асуудлыг шийдэх хүнээр нөгөө ГАНЦ хөрөнгө оруулагч болох Ши Гаунг Руаныг сонгов уу гэдэг асуулт энд гарч ирж байгаа юм.

Мөн тэрбээр Монгол улсад  Орос Монголын хамтарсан банк нээсэн хэмээн ярьжээ. Банк санхүүгийн салбар бол мөн л чухал салбар. Тэрчлэн Монголын банк гэх тодотголтой ч, хөрөнгө оруулалт нь нөгөө л ГАНЦ хөрөнгө оруулагч болох Ши Гаунг Руаны зүгээс угшилтай нэг банк Монгол Улсад үйл ажиллагаа явуулж байгаа бололтой. Чухам яг аль банк болохыг эргэн сурвалжилж, тодруулж мэдээлэх болно.

Харин одоо  Ши Гаунг Руан гэгч хэн бэ гэдэг асуултад хамтдаа хариулт эрье. Монгол Улсад 26 жил амьдарч буй тэрбээр Монгол Улсын паспорттой гэх мэдээлэл байгаа юм.  Түүнчлэн Ши Гаунг Руаны хувийн мэдээллийг хүргэж байна.

Ши Гаунг Руан нь 1959 оны 3 дугаар  сарын 11-нд төржээ. Монгол улсад суурьшаад удаж буй тэрбээр

Монгол Улс дахь  Жин Хуа Группын ТУЗ-ын дарга,  Монгол Улс дахь Жин шан нийгэмлэгийн ерөнхийлөгч гэсэн ажилтай. Түүний бизнесийн түүхээс хүргэхэд:

-1990 онд Монгол Хятадын хамтарсан гадаад худалдааны компани байгуулсан.

-2004 оноос өөрийн арьс ширний үйлдвэр Монголд байгуулсан.

-2007 оноос Монголын уул уурхай салбарт орж, ашигт малтмал хайгуулын лиценз, уул уурхайн зөвшөөрөл авч хүдэр, хайлуур жонш, хар тугалга, төмөр, цайр, нүүрс болон бусад металууд олборлох бизнес хийсэн.

-2014 оноос эхлэн  Монгол Улсын Засгийн газартай хамтран Ашгийн бус нийгэмлэг байгуулж,  Худалдаа аж үйлдвэрийн танхим,  Шаньси зүүн аж үйлдвэрийн танхим,  Монгол Хятадын элчин сайд яамдууд хамтарсан Монгол, Орос, Хятад улсыг хамарсан эдийн засаг хамтын ажиллагааны “Зам” хамтарсан хөтөлбөр хэрэгжүүлж эхэлсэн юм байна. Тэгэхээр энэ мэдээллээс үзэхэд Ши Гаунг Руан Монгол дахь бизнесээ өргөжүүлэхийн тулд талуудтай хамтын ажиллагаагаа нэлээд өргөжүүлж ирсэн нэгэн аж.

“Синхуа” агентлаг Ши Гаунг Руаны тухай юу өгүүлэв?

Харин одоо Хятадын мэдээллийн төв агентлаг “Синхуа” Ши Гаунг Руаны талаар чухам өгүүлснийг элдэв нэмэр хачиргүйгээр эрхэм танд хүргэх болно. Тус мэдээлэлд” Ши Гаунг Руан нь  1990 оноос хойш Монголд  зах зээл эхлэх үед иржээ. Бүр тодруулбал, Хятад, Монгол, Орос гурван улсын хамтарсан  эдийн засаг, гадаад худалдааны  хамтын ажиллагааны гурван талт хэлэлцээр хийх үед анх Монголд орж ирж Жин Шан нийгэмлэгээ байгуулан ажилласан байна.

Одоогоор 26 жилийн турш Монгол Хятадтай хамтарсан бизнесийн үйл ажиллагаа явуулж байна. Энэ хугацаанд сайн муугаа үзсэн алдсан оносон олон жилийн туршлага байгаа учир Монголчууд болон Монгол-Хятадын харилцаа, Монгол-Орос, Монгол-Орос-Хятад 3-ын харилцаа, нийгэм эдийн засгийн байдал, гадаад худалдаа, Монгол хүний онцлог сэтгэхүй зэргийг дээд зэргээр сайн ойлгодог. Мөн Монгол-Хятадын гадаад худалдаа хийх дамжин өнгөрдөг газрууд болох Эрээн, Бао то,  Хөх хот,  Бугат зэрэг газруудыг бас мэднэ. Хэдийгээр Монгол хэл мэдэхгүй ч нэгэн орчуулагчтай анх 1990 оны 8 сард орж ирж байсан.  7 сая юань бараа монголд оруулж ирсэн боловч,  Монгол харилцагч болон орчуулагчийн үйл ажиллагаанаас болж 6,4 сая юаний  алдагдал хүлээж байсан. Тухайн үед энэ бол их мөнгө байсан. Гэсэн хэдий ч бууж өгөлгүй, бизнесээ үргэлжлүүлэн хөл дээрээ боссон. Энэ үе их хүнд үе байсан гэж тэрээр дурссан” хэмээн өгүүлжээ.

Мөн   2006 онд Ши Гаунг Руан Монголын уул уурхайн салбарт хөрөнгө оруулснаараа амжилт олж, 20 сая юаний орлого олсон.Тэгснээр өмнө нь  алдаж байсан 6,4 сая юаний  алдагдлаа нөхөж авсан тухайгаа “Синхуа”-д ярьж байжээ. Түүнчлэн Ши Гаунг Руан банк санхүү, эрчим хүч зэрэг салбаруудад хөрөнгө оруулан ажиллаж байгаа талаарх мэдээллийг нийтлэлийн эхэнд уншигч танд хүргэсэн билээ.

Харин одоо Ши Гаунг Руаны групп Монголд 30 тэрбум юань буюу  4 тэрбум ам.долларын хөрөнгө оруулалттай цахилгаан станц барих гэж байгаа талаар Хятадын хэвлэлүүд хэрхэн мэдээлснийг хүргэж байна.

Матадын  уурхайг түшиглэн байгуулах  станцын цаад зорилго нь юу вэ?

Мэдээлэлд “Монголын зүүн аймагт баригдах  3000 MB хүчин чадалтай  хамгийн том цахилгаан станц барих асуудлаар уулзалдлаа. Уг төсөлд Шаньси мужийн эдийн засгийг дэмжих хороо, Шаньси  Энержи групп Монголын BSU компани хамтран хөрөнгө оруулалт хийж уг станцыг барих юм байна.

Энэ удаагийн эдийн засгийн ууүзалтанд Хятад, Монгол улс харилцан оролцож,  БНХАУ-ын талаас Хятадын Шаньси Electric Power компани техник эдийн засгийн тооцоог нь хийсэн байна. Хөрөнгө оруулалтын үнэлгээний шинжээчээр Эрдэнэбилэг гэж нэртэй хүн болон хятадын шинжээч  нар оролцлоо гэсэн байна.

    Эрчим хүчний Нүүрсээр  ажиллах 3000 MB-ын цахилгаан станц  нь зүүн аймагт байрлах Матад  (Ши Гаунг Руаны Монголд байрлах уурхай) уурхайд давуу талтай болно.

 Уг станц нь  үйлдвэрлэсэн цахилгаанаа дотоодод нийлүүлэхээс гадна,  Бээжин, Тяньжинд цахилгаан худалдаалах,  түгээж  жилд 5500 цаг,   16,5 тэрбум  цахилгаан үйлдвэрлэнэ. Жилд 11 сая тонн нүүрс ашиглах урьдчилсан тооцоо байна” хэмээн бичжээ.

Тэгэхээр эрчим хүчний өндөр хүчин чадалтай энэ станцын төслийг нөгөө л ГАНЦ хөрөнгө оруулагч Ши Гаунг Руан гартаа оруулаад байгаа аж.  Эрчим хүчний том төсөл, цэвэрлэх байгууламжийн төсөл, Шивээ овоогийн  орд дахь төсөл гэхчлэн олон арван төслийн ард компанийнхаа нэрийг сольсон нөгөө л ГАНЦ хөрөнгө оруулагч Ши Гаунг Руан гэж хүн байгаа нь анхаарал татсан асуудал мөн юм. Гэхдээ манай сайт уг асуудалд дүгнэлт хийх гэсэнгүй. Эрхэм уншигчид маань мэргэн ухаандаа тунгааж, нэгийг бодож байгаа болов уу гэж бодож байна.  Улс орны стратегийн эрх ашигтай холбоотой төсөл хөтөлбөрүүд нэг л компаний, нэг л хүний гарт очоод байх нь зөв үү. Эргээд үүсэх сөрөг асуудлууд юу байж болох вэ? Хамтдаа анхаарал хандуулъя. Хамтдаа эргэцүүлье!

http://www.mggjs.org/index.php?c=article&id=179

http://www.mggjs.org/index.php?c=article&id=199

http://shanghui.china.com.cn/tp/981.jhtml

http://sx.people.com.cn/n2/2016/0328/c189132-28029762.html

Нийгэмлэгийн талаарх мэдээлэл:

 http://www.mggjs.org/index.php?c=article&a=type&tid=33

Эх сурвалж: Шуурхай.мн


Манай сайт танд таалагдаж байвал LIKE хийгээрэй. Танд баярлалаа.

Холбоотой мэдээ

No Related Posts

24 Comments

  • Anonymous (February 24, 2017 8:36:06 pm )

    Уянга, Ганбаатар шиг “эх оронч” сэтгүүлч байна уу даа? Монголд өчнөөн хөрөнгө оруулалт татаж, үйлдвэрүүд байгуулсан байна. Улсаас мөнгө хулгайлаагүй байна. Засгийн газар нь ТЭЦ-5-аа барьж чадахгүй байхад энэ бизнесмэн хийж чадаж байна ш дээ. Нүүрсийг эрчим хүч болгоод экспортлох гэж байна. Монголд өчнөөн мөнгө орж ирнэ. Энэ сэтгүүлч юү гэж худлаа гуцаад байгаа юм?

  • Зочин (February 24, 2017 8:36:38 pm )

    Уянга, Ганбаатар шиг “эх оронч” сэтгүүлч байна уу даа? Монголд өчнөөн хөрөнгө оруулалт татаж, үйлдвэрүүд байгуулсан байна. Улсаас мөнгө хулгайлаагүй байна. Засгийн газар нь ТЭЦ-5-аа барьж чадахгүй байхад энэ бизнесмэн хийж чадаж байна ш дээ. Нүүрсийг эрчим хүч болгоод экспортлох гэж байна. Монголд өчнөөн мөнгө орж ирнэ. Энэ сэтгүүлч юү гэж худлаа гуцаад байгаа юм?

  • Anonymous (February 24, 2017 8:53:44 pm )

    Odoo ued Hujaa geher muuldag ue ungursun. Gol n Ulsad her um ordog um boldoo gdg chuhal. Uursduu utaagaa arilgaj chadku, ter bohir usnii baigulamjiin umhii uneree darahku neeh uls turjsun humuus. Bi hujaa nart durgui. Gehde imerhu tom biznestei humusiig huuguud yavulval uls oron chin uursduu hiij chadku, busdaar hiilgehku bolood bndaaa.

  • Монгол (February 25, 2017 9:33:27 am )

    Херенге оруулалтыг буруутгаагуй байна эрлийзээ. Харин та нартай нийлж байгаад авилгалчсан тереер юу хийлгээд байна гэдгийг асуусан байна. Аливаа юм хэтрэхээрээ буруу болдог зарчмыг л хэлж

  • Unshigch (February 25, 2017 10:43:12 am )

    Huurhun muruudul baina.

  • ламбаа (February 25, 2017 11:21:32 am )

    АН-ханы хийсэн хутгааш шүү дээ

  • G (February 25, 2017 12:29:23 pm )

    MANAI ULS HUURHI HEDEN HYATDUUDIIN HARMAANII ULS!!! AGUU CHINGISSIN UR SAD GEED BGAAMAA ZAILUUL!!!

  • зочин (February 25, 2017 4:51:33 pm )

    юм эргэнээ гэж. 1921 онд гадаадын түрэмгийлэгч гээд гадны худалдаачдыг хуугаар нь гаргаж байсан бол одоо гадаадын хөрөнгө оруулагч гээд гуйгаад өргөмжлөөд суудаг болсон.

  • баагий (February 25, 2017 4:53:54 pm )

    Их мөрөөдөл, том зорилго өмнөө тавьж хэрэгжүүлэхийн төлөө зүтгэж яваа юм байна. Өнөөдөр бүтэхгүй ч гэсэн маргааш бүтэнэ. Алсын хараа сайн байна. Монгол Улс одоогоор тусгаар тогтносон улс. Гэхдээ улс төржсөн намууд нь төрт улсаа нэг нь ийшээ нөгөө нь тийшээ чангааж 4 жилийн зайтай самарсаар байгаад дуусах болов уу? АЙМШИГТАЙ.

  • Пурэв (February 25, 2017 5:01:56 pm )

    Оороо хийж чадахгуй бол бусдууд хийдэг юм мангаруудаа

  • Anonymous (February 26, 2017 4:30:40 am )

    Ter bank n credit bank

  • зочин (February 26, 2017 9:47:03 pm )

    ямар аймаар юм бэ ганц луухаан уу

  • Anonymous (February 27, 2017 5:31:43 pm )

    хамгийн гол нь хулгай луйваргүй шудраг байх явдал

  • зочин (March 01, 2017 2:02:34 am )

    Сая украйн улс дотроо бужигнахад оросууд орос иргэдээ хамгаална гээд л кримийг авчих жишээтэй хонг конг англын мэдлээс гархад тэнд херенге оруулсан хятад иргэдээ хятад улс хамгаална гээд л хятадых болсон байхаа манайд энэ мэтийн херенге оруулагчидыг хятад улс нь хамгаалдаг болоод л ечнеен тэрбумаар нь оруулж ирж байгаа унэндээ иймэрхуу херенгийг хятад улс цаасан дээр юанаа хэвлээд л нааш нь цутгадаг манайхан алт нуурс аль байдагаараа телдег шуу хятадууд монголд алт нуурс ашигт малтмал оруулж ирдэггуй байхаа

    • наран (March 02, 2017 4:24:25 pm )

      одоо тэгээд яах вэ ухаантан гуай.манайхан ярихаас өөр юу хийж чаддаг билээ. нэг л их цэцэрхсэн хүмүүс.би хятад гарал үүсэлгүй, гэхдээ үлдэхээр юм хийж байгаа хүнийг дэмжих нь зөв.санаж байна уу манайд 90 д онд баахан оёдлын үйлдвэр гадаадын хөрөнгө оруулалтаар ажиллаж байсан, тэд нэг ч шинэ барилга нэг ч шинэ үйлдвэр байгуулаагүй,1996 онд АН гарч ирээд хуучин социализмын хэдэн үйлдвэрийг өөрийнхөндөө хувьчлал нэрээр өгсөн/З.Энхболд төрийн өмчийн хорооны дарга байсан/ тэдгээр үйлдвэрүүдийг хаагаад хүмүүсийг нь халж ганзганд гаргаад байрыг нь дээрх үйлдвэрүүдэд түрээслүүлж хэдхэн хүн мөнгөжөөд, хэдэн монгол хүүхэн оёдолчид нойр хоолгүй ажиллаад амьдрал нь дээшилсэн юмгүй, НДШ төлөгдөөгүй баахан өр үлдээд цаадуул нь Америкт оёсон зүйлээ татваргүй гаргаж мөнгөжөөд Монголоос зүгтсан.Эба тэнэг ерөнхий сайд болмогцоо тэр үйлвэрүүдээр орж манайд үлдээч гэж шогтож гүйгээд л жүжиг болоо биз дээ.Үлдэх юм хийж байгаа бол хэн ч байсан яахав, Эрдэнэт Оюутолгой 2 г хар лдаа.Нэг нь хот, нөгөөх нь нүүлгээд явдаг сэндвичэн тосгон.

      • Лалар (March 06, 2017 2:05:49 pm )

        Газар нутаг нь биднийх ч эзэмших эрхээ хятадуудад өгчихөөд сууж байх нь тэгээд зүгээр үү

  • mgl (March 02, 2017 6:51:47 pm )

    2042 on gehed mgl hytadiin erehsheeld ooroo orno gedeg unen bha.muu erliizuudud ni ajila sain hiij bn shu

  • Anonymous (March 02, 2017 9:17:48 pm )

    төрийн хар хулгайч луйварчдын хийж байгаа ажил. Тэд л авилгаа авч байвал болдог хүмүүс. улсаа худалдана уу, хулгайч авна уу,хужаа нь авна уу тэдэнд хамаагүй. Хамгийн гол нь төсөл өгөх дөө авилга авах нь хамгийн чухал ажил нь.

  • zochin (March 03, 2017 1:22:19 am )

    2006 ond uurhaigaas 20 say yuan olood l bosood irjdee mongol hund bol iim bolomj oldohguildee. gadniihand bolomjoo sul hayj ugdug. bagahan avilga avaad. uursduu ter bolomjoo ashiglaad uursdiigoo ood ni tatdaggui uls.

  • baatkaa (March 03, 2017 11:45:14 am )

    Улс орныг маань хулгайч, луйварчид, гадны гар хөл болсон урвагчид, хятадын тусгай албаны нүд чих болсон биеээ үнэлэгчид, хятадын эрлийз, хурлийз, хунхуузууд, авлигчид, бусдын бөгс долоогчид удирдаж байгаа нь тодорхой болж байна!!!…Мөнгөний төлөө юу ч хийхээс буцахгүй, авлига ахиуухан авч байвал улс орноо зарах энүүхэнд юм байна л даа!!!…Аль ч улс оронд өөрийн хөгжлийн стратегийн бодлого, том хэмжээний төсөл, хөтөлбөрүүд байдаг энэ нь нууцийн зэрэглэлтэй, үндэсний аюулгүй байдалын хүрээнд авч үздэг!!!…Энэ мэдээллийг задруулсан хүнийг тагнуулийн үйл ажиллагаа явуулсан гэж үзэх бүрэн үндэстэй!!!…Гэтэл манайд бол авилга л авч байвал стратегийн ач холбогдолтой улс эх орны хөгжил, цэцэглэлтэд сайнаар нөлөөлөх том хэмжээний төслүүдийг гадагш нь наймаалцаж байгаа нь гутамшиг!!!…Тэр тусмаа техник, технологийн хоцрогдсон оронд шүү!!!…Мөнгөний өмнө толгойгоо бөхөлзүүлэх нь монгол хүний зан чанар, ёс зүй биш л байлтай!!!. ..Авилгачидын ханаж цадсаны шинж гэдэг нь тийм байдаг байхдаа!!!..Улс эх оронд минь ямарч өгөөжгүй, байгаль экологид хортой хоцрогдсон техник, технологитой цахилгаан станц авилга, хээл хахуулийн мөнгө нь ороод 30 тэрбумаар гэхдээ нэг талын хөрөнгө оруулалт нь гэхээр АВИЛГА нь доор хаяж 3 тэрбум болох нь дээ!!!..Эрдэнэтийн 49%-ыг улстөржүүлж, хувийн өмчийг булаан авч байхаар тэр хөрөнгө оруулахаар боломж, зөвшөөрлийг өгсөн авилгачаа АТГ-т шилжүүлэн өгч шалгуулсан нь зөв шүү!!!…

  • bi mongol hvn (March 06, 2017 2:03:22 am )

    энэ хүмүүсийн ойлголт буруу л байна дэлхийг хар гадны хөрөнгө оруулалтыг татаж хүний хөрөнгөөр хөгжилд хүрч улс орон хөгжиж ард иргэд нь сайхан амьдарч тусгаар тогтнол нь хэвийн байна гэтэл монголчууд бид ярих хийх нь мөнч зовлонтой байна даа энэ байдлаараа байвал улс төрч эрх мэдэлтэн нарын тоглоом хэдэн үеэрээ болсоор нэг мэдэхэд гадны хоол хараат улс болох нь зайлшгүй шүү ухаалаг байхтун ?

  • зочин (March 06, 2017 1:03:44 pm )

    Зөвийг дэмжиж бурууг шүүмжлэх нь зүйн хэрэг. Монголчууд шүүмжлэхээс өөр юм хийж чадахаа больжээ. Шүүмжилдэгээрээ бол монголчууд улс орноо аль хэдийнэ хөгжүүлсөн байх ёстой. Дээр Бао то, Бугат гэж хоёр тусдаа бичсэн байна угтаа хятад монголоор хэлж байгам нэг л хот юм шүү.

  • Зочин (March 17, 2017 1:46:46 pm )

    Нөгөө зам тээврийн сайдтай их адилхан юм. Ах, дүү улс биш үү.

  • зочин (March 24, 2017 8:58:57 am )

    90-ээд оны эхээр ардчилал нэрийн дор том үйлдвэрүүдээ ашиггүй ажиллаж байна гэж устгасан шүү дээ.Ялангуяа оедол,махны. хүнсний гутлын байсан том үйлдвэрүүдийг. Тэр үед Жаргалсайхан том үйлдвэр ажиллуулахгүйгээр эдийн засаг урагшлахгүй гэж хэлж байсан Жаргалсайханаас өөр үйлдвэрүүдийнтухай өөр хүн хэлж байгаагүй шүү


http://www.seslichatvip.com sesli panel antalya rent a car
Twitter Auto Publish Powered By : XYZScripts.com